Kasami: Do të kërkojmë nga Kryeministri rishqyrtimin e marrëveshjes me koalicionin VLEN

Kryetari i Lëvizjes Besa thotë se VLEN do të shkojë drejtë bashkimit në një parti dhe se do të kërkojnë nga Kryeministri rishqirtymin e marrëveshjes në Qeveri, shkruan Telegrafi Maqedoni.

“Koalicioni VLEN do të shkojë drejt homogjenizimit dhe bashkim në një subjekt të vetëm politik. Deri sot nuk ka qenë çështja se kush do të jetë kryetar, më së paku brenda VLEN-it ka pasur debat se kush do t’i prijë këtij subjekti politik dhe si do të bëhet ndarja e përgjegjësive”, tha Kasami.

Ai tha se shumë shpejt do të shpallim një plan të shtabeve të përbashkëta për zgjedhjet lokale.

I pyetur se a do ta largojnë Arben Taravarin nga Qeveria, Kasami tha se kur janë futur në qeveri kanë pasur marrëveshje me kryeministrin Hristijan Mickoski dhe se në rrethana të reja do të duhet të rishqyrtohet marrëveshja si koalicion.

“Kur jemi futur në qeveri kemi pasur marrëveshje me kryeministrin Hristijan Mickoski dhe se në rrethana të reja do të kërkojmë nga Kryministri se duhet të rishqyrtojmë marrëveshjen si koalicion”, tha Kasami./Telegrafi/