Kandidati me prindër indian dhe një grua kryesojnë garën për pasuesin e Boris Johnsonit

Jeremy Hunt dhe Nadhim Zahawi janë jashtë garës për kreun e partisë Konservatore të Britanisë së Madhe.

Partia qeverisëse britanike po mban zgjedhjet e brendshme pas dorëheqjes së kryetarit Boris Johnson.

Sir Graham Brady, kryetar i Komitetit Konservator 1922, ka shpallur tashmë rezultatet e votimit të parë.

Rishi Sunak, kandidati me prindër nga India dhe ish-Kancelari i Thesarit, kryeson garën me 88 vota ndërsa gjashtë kandidatë kanë kaluar në raundin e dytë, raporton skynews.

Sondazhet thonë se Sekretarja e Tregtisë, Penny Mordaunt, e cila renditet e dyta ka gjasa që ta pasojë në krye të qeverisë Johnsonin.

Theksojmë se gjatë ditës së nesërme do të organizohet rrethi i dytë i votimit brenda partisë Konservatore.

Ndryshe, kryeministri aktual britanik, Johnson ka dhënë dorëheqje prej kreut të partisë pas fshehje së disa skandaleve të kolegëve të partisë.

Rishi Sunak – 88

Penny Mordaunt – 67

Liz Truss – 50

Kemi Badenoch – 40

Tom Tugendhat – 37

Suella Braverman – 32

Nadhim Zahawi – 25

Jeremy Hunt – 18 /Telegrafi/