Juventusi fiton në Brescia, ngritet në pozitën e parë

Juventusi ka arritur të shënojë fitore ndaj Brescias si mysafirë me rezultat 2-1.

Një ndeshje mjaftë interesante, ku Zonja e Vjetër humbi shumë raste, por mori atë për të cilin kishin udhëtuar në Brescia.

Brescia e nisi shumë mirë ndeshjen me një gol të Alfredo Donnarumma, që shënoi me një goditje të fuqishme brenda zonës.

Juventusi kishte disa raste, por të goli i barazimit erdhi në minutat e fundit të pjesës së parë.

Jhon Chancellor shënoi në portën e tij për 1-1 pas një harkimi të Paolo Dybalas nga këndi.

Pjesa e dytë nisi me Juven që kërkonte fitoren.

Në minutën e 63-të erdhi goli që doli të jetë edhe i fitores. Miralem Pjanic gjuajti bukur nga një top i kthye nga mbrojtja për 2-1.

Juventusi kishte edhe disa raste sidomos me Dybalan dhe Higuainin, por pa e ndryshuar rezultatin.

GOAL PJANIC #JUVENTUS pic.twitter.com/Op1JRe6Dpd

— ty (@Bentancured) September 24, 2019

Zonja këtë ndeshje e zhvilloi pa Cristiano Ronaldon që kishte pësuar dëmtim.

Juventusi tani ka 13 pikë dhe është lider, por Interi ka një ndeshje më pak të zhvilluar. /Telegrafi/