Justin Bieber merr reagime të ashpra pasi doli në përkrahje të Izraelit, por shpërndau një foto të shkatërrimeve në Gaza

Justin Bieber ka ngjallur reagime të ashpra pasi postoi – dhe më pas fshiu – një postim ‘Lutuni për Izraelin’ i cili përmbante një foto të shkatërrimit në Gaza.

Postimi, i shpërndarë disa ditë pas sulmit terrorist vdekjeprurës të Hamasit ndaj civilëve izraelitë, u hoq nga Instagram dhe u zëvendësua me të njëjtin mesazh pa foton e mëhershme.

“Duke u lutur për Izraelin”, shkroi ai thjesht, së bashku me një emoji zemërthyer dhe një sfond të gjelbër, shkruan DailyMail.

Gabimi nuk kaloi pa u vënë re nga fansat në internet, të cilët e sulmuan Bieberin për pasaktësinë në platformën X, dikur Twitter.

“Të famshëm janë aq të paprekshëm sa është në të vërtetë e turpshme”, tha një përdorues i Twitter për gabimin.

“Një shembull tjetër i të famshmëve që nuk dinë absolutisht asgjë dhe ripostojnë gjënë e parë që shohin”, postoi një tjetër.

“Një kërkim i thjeshtë në Google mund ta shpëtonte atë nga ky siklet…” ka shkruar një tjetër.

“Në vend që të nxitoni për të postuar në internet, ndoshta merrni disa minuta për të mësuar se çfarë po ndodh. Sidomos kur ke miliona fansa”, ka shkruar një përdorues i radhës.

Lexo po ashtu Harry dhe Meghan Markle dënojnë terrorizmin dhe brutalitetin në luftën Izrael-Hamas

“Justin Bieber duke u lutur për Izraelin, por duke shfaqur një foto të Gazës”, shkroi një tjetër me një emoji që rrotullohej.

Këto reagime erdhën pasi Justin postoi në InstaStory një deklaratë për konfliktin.

“Vërtetë e dhimbshme për miqtë e mi izraelitë dhe palestinezë. Jam shumë e sigurt që të gjithë e njohim instinktivisht të keqen kur e shohim. Të poshtërosh të gjithë palestinezët apo të gjithë popullin izraelit për mua më duket e gabuar. Nuk jam i interesuar të zgjedh palët, por jam i interesuar të qëndroj me familjet që na janë marrë brutalisht”, ka shkruar ai.

Hamasi, i cili kontrollon enklavën palestineze të Gazës, sulmoi Izraelin të shtunën në shkeljen më të rëndë të mbrojtjes së vendit që nga lufta e ushtrive arabe në vitin 1973. Izraeli është përgjigjur me sulme ajrore në Gaza.

Justin është një nga shumë personazhe të famshëm që kanë reaguar për konfliktin. /Telegrafi/