Joga në punë – ushtrime për relaksim dhe rritje të përqendrimit

Nëse keni punën e cila ju detyron të qëndroni ulur në karrige 8 apo më shumë orë, patjetër si rutinë të rregullt gjatë orarit të punës aplikoni ushtrimet e thjeshta të jogës të cilat do t’i bëni së paku 2 herë gjatë orarit të punës

Këto ushtrime do të relaksojnë trupin dhe shpirtin dhe do të përmirësojnë përqendrimin tuaj të humbur.

Do të mjaftojë t’i ndani 5 – 10 minuta dhe do të ndiheni më mirë, por të mos përmendim se me çfarë produktiviteti do t’i kryeni punët tuaja!

Po i ndajmë ushtrimet më të mira për lëvizje në zyrë apo në tavolinën e punës!

Njëra ndër to gjithësi është shtrirja e kurrizit me gishta të gërshetuar dhe duar të shtrira para gjoksit, pastaj të ngritura mbi kokë. Përpiquni që kurrizin gjatë ushtrimit sa më shumë ta shtyni para.

Përdredhja e torzos – Ky ushtrim do të tendosë muskujt anësorë të barkut dhe të shpinës si edhe të qafës në të njëjtën kohë do t’i çlirojë, mirëpo mund ta bëni duke qëndruar ulur në karrige. Përpiquni që shpina të jetë drejt gjatë aplikimit të ushtrimit, transmeton Telegrafi.

Drejtimi i kurrizit – Gjatë qëndrimit ulur në karrige rrallë kush merr qëndrim të drejtë me shpinën plotësisht drejt. Më së shpeshti kërrusemi, ndërsa për këtë nuk jemi të vetëdijshëm. Prandaj, herë pas here vendosni duart në pjesën e poshtme të shpinës, ndërsa kurrizin lakojeni prapa. Do t’ju ndihmojë që t’i ktheni unazat në pozitë të drejtë.

Rrotullimi i supeve – Ushtrim i shkëlqyeshëm për çlirimin e muskujve të supeve dhe të qafës. Mund ta bëni duke qëndruar ulur në karrige, mirëpo ju rekomandojmë që të ngriheni në mënyrë që gjaku t’ju qarkullojë dhe ta bëni në qëndrim të çrregullt. Pushoni duart, ndërkaq supet rrotulloni prapa dhe para.

Ulja e supeve – Variacioni në ushtrimin e mëparshëm, por njësoj i dobishëm. Në vend që të rrotulloni supet, thjesht ngrini lart-poshtë.

Tendosja e duarve – Qitni njërën dorë mbi shpinë, me parallërë të lakuar, dhe me dorën tjetër shtyjeni poshtë në mënyrë që të ndieni tendosjen dhe shtendosjen e muskujve. Njësoj përsëriteni edhe me dorën tjetër.

Tendosja e dorës 2 – Dorën e shtrirë dhe të lëshuar poshtë qiteni mbi shpinë, kapeni me tjetrën dhe tërhiqeni derisa ta ndieni tendosjen e muskujve.

Lëkundja e nyjave të duarve – Nëse shumicën e kohës e kaloni duke shkruar në tastierë, është e domosdoshme që herë pas here të lëvizni edhe nyjat e duarve. Shtrijeni dorën, ktheni shuplakat lart, dhe me dorën tjetër kapni gishtat e dorës së shtrirë dhe tërhiqni poshtë me shuplakë të kthyer përpara, pastaj të njëjtën gjë bëjeni edhe me shuplakën e kthyer poshtë.

Lëvizja e kurrizit të dorës – Bashkoni shuplakat para gjoksit me parallëra të lakuara, dhe rrotulloni shuplakat lart-poshtë.

/Telegrafi/