Maria Dolores dos Santos Aveiro është nëna e superyllit të futbollit Cristiano Ronaldo. Të gjitha mediat botërore e kanë raportuar lajmin se 65-vjeçarja ka pësuar goditje në tru dhe është hospitalizuar për ekzaminime të mëtutjeshme.
Sulmuesi i Juventusit është nisur me aeroplan privat drejt vendlindjes për t’i qëndruar pranë nënës së tij, e cila thuhet se është e vetëdijshme dhe në gjendje të qëndrueshme.
Nëna e CR7, e cila ka edhe tre fëmijë të tjerë krahas 35-vjeçarit, ka ndikim shumë të madh në jetën e futbollistit të famshëm.
Kush është Maria Dolores
E lindur më 31 dhjetor 1954 në portin Canical të Madeiros, Maria Dolores dos Santos Aveiro dhe babai i Ronaldos, Jose diniz Aveiro, i kanë rritur katër fëmijët e tyre në qarkun Funchal të Santo Antonios.
Si pesëvjeçare, Dolores mbeti pa nënën e saj, Matilda, e cila vdiq në moshën 37 vjeçare nga sulmi në zemër. Babai i saj duhej të kujdesej për pesë fëmijët e tij dhe derisa nuk mund ta bënte këtë gjë, dërgoi katër nga fëmijët (duke përfshirë edhe Doloresin) në strehimore.
Kur i mbushi nëntë vjet, e përjashtuan nga strehimorja për shkak të sjelljes së bezdisshme duke e kthyer te babai, i cili veçmë ishte martuar me një grua tjetër, e cila po ashtu i kishte pesë fëmijë dhe e prisnin një tjetër bashkë.
Në moshën 13 vjeçare, babai e largoi nga shkolla dhe e detyroi të punonte, ndërsa më herët kishte dashur ta dërgonte në një shkollë të fëmijëve me aftësi të veçanta, por drejtori nuk e kishte pranuar, pasi nuk kishte ndonjë problem me të. Disa vite më vonë, babai i saj iku me gruan e re dhe fëmijët e tyre drejt Australisë.
Si 18 vjeçare, Dolores kërkonte një jetë të re dhe lumturi. Asokohe u takua me Jose Dinis Aveiro, një 20-vjeçar që punonte në një dyqan. Ata u martuan dhe u bënë prindër të katër fëmijëve. Mirëpo, problemet familjare nisën pas kthimit të Jose Dinis nga lufta në Angolë dhe Mozambik, me ç’rast ai nuk punonte dhe e kalonte kohën duke pirë, ndërsa e gjithë barra e fëmijëve ra mbi nënën e Ronaldos, e cila shkoi në Francë për të punuar.
Si pasojë e konsumimit të tepruar të alkoolit, babai i Ronaldos u sëmur nga mëlçia (cirroza alkoolike e mëlçisë dhe vdiq në vitin 2005).
Lumturinë në jetën e saj ia ktheu pikërisht superylli i Juventusit, falë sukseseve të të cilit, ajo mund të bënte sërish një jetë të mirë, në ndërkohë që i ka shijuar arritjet e djalit dhe është përmbushur nga fëmijët e tij.
Në vitin 2007, nëna e futbollistit të famshëm ishte diagnostikuar me kancer të gjirit, ndërsa në vitin e kaluar i ishte kthyer sërish sëmundja që ka arritur ta tejkalojë sërish.
Gjatë dokumentarit të titulluar “Ronaldo”, ajo kishte pranuar se e kishte menduar abortin kur ka qenë shtatzënë me tash superyllin botëror.
“Ai është një fëmijë që kam dashur ta abortoj. Zoti nuk deshi që ajo të ndodhte dhe jam e bekuar për këtë dhe Zoti nuk më ka dënuar. Nganjëherë Ronaldo bën shaka me mua duke më thënë: ‘Nuk ke dashur që të më lindje. Por, tash unë jam këtu duke ju ndihmuar të gjithëve’. Dhe nganjëherë qeshim shumë me këtë”, ka treguar nëna e futbollistit.
Dolores kishte qëndruar larg syrit të publikuar deri në vitin 2019 kur i kishte hapur profilet e saja në rrjetet sociale. Ajo numëron mbi 2.1 milionë ndjekës në Instagram, ku shpërndan fotografi të saja dhe të familjarëve.
Fëmijët e Dolores
Cristiano Ronaldo ka dy motra më të mëdha, Elma dhe Lilianna Catia, dhe një vëlla të quajtur Hugo. Ata janë rritur në një familje të varfër katolike, ndërsa të katër fëmijët flinin me një dhomë.
Futbollisti ka folur për raportet jo të mira me babanë e tij, i cili ndërroi jetë në moshën 53 vjeçare si pasojë e sëmundjes së mëlçisë. Pas vdekjes së bashkëshortit, Dolores nuk u martua, por ka qenë në lidhje me Jose Andraden.
Nëna e CR7 është shumë e afërt me djalin e saj, partneren e tij, Georgina Rodriguez dhe katër fëmijët e futbollistit.
Ajo madje në disa raste bën rolin e dados duke u kujdesur për Alana Martina, Eva, Mateo dhe Cristiano Ronaldo Jr.
Çfarë pune bën ajo
Maria Dolores kalon kohën më të madhe duke u kujdesur për nipat dhe mbesat e saja. Ajo publikon shpesh fotografi në rrjetet sociale duke u kujdesur për ta.
Njëherësh, nëna e Ronaldos është pronare e një restoranti në Brazil që quhet Casa Aveiro. /Telegrafi/
Nga Melodia Px
Nga Frigo Deluxe
Nga Edil Project
Lufta Prigozhin - Putin
Më shumë
Luka Modric bleu një apartament luksoz në Zagreb - aty ku pritet të kthehet për të jetuar
"The Sun" shkruan për moderatoren joshëse shqiptare që prezanton emisionet sportive
"Nuk kanë pasur kurrë vajzë të bukur nga Kosova", një video e Rita Orës po bën xhiron në internet
"O Bes Kallaku", reagimi epik i Xhensilës kur fansat i përmendin ish-partnerin në koncert
Shkurte Fejza jep lajmin e madh për nder të 50-vjetorit të karrierës
"Kam dëgjuar krisma mbrëmë", Graciano u thotë Romeos dhe Heidit të cilët kaluan natën në suitën private
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën