I jepet lamtumira e fundit shqiptares që u vra nga i dashuri i saj dhe u muros në Spanjë

I është dhënë lamtumira e fundit Sibora Gaganit, vajzës shqiptare që u vra nga i dashuri i saj rreth nëntë vite më parë.

Ajo ishte vetëm 22-vjeç kur u pa për herë të fundit. Trupi i pajetë i saj u gjet rreth 5 muaj më parë i murosur në një apartament në Torremolinos, në Spanjë.

Nëna e Siborës mes lotësh dhe dhimbjes i ka dhënë lamtumirën e fundit në Itali vajzës së saj, ndërsa shprehet se është e shkatërruar dhe se bashkë me vajzës edhe ajo ka vdekur.

“Marco shkatërroi jetën e vajzës time, por në të njëjtën kohë mori edhe jetën time. Zemra ime ka vdekur bashkë me të”, u shpreh ajo, raportojnë mediat spanjolle.

Lexo po ashtu E konfirmojnë rezultatet e ADN-së: Trupi i murosur është i Sibora Gaganit

Këto janë fjalët e një nënë e cila për nëntë vite nuk kishte asnjë informacion për vajzën e saj dhe më pas merr vesh lajmin e kobshëm se të bijën ia kishin vrarë dhe zbulon se trupi ishte murosur në një apartament.

Ishte pikërisht vrasja e një gruaje tjetër, më 17 maj, nga i njëjti burrë në të njëjtin qytet, ajo shkaktoi edhe njëherë rihetim të ngjarjes, dhe pas kontrolleve të vazhdueshme policia arriti të gjente trupin e Siborës. /Abcnews.al/