Ka ardhur java e 27-të e shtatzënisë dhe ja ndryshimet që mund të prisni te kjo javë sa i përket bebes, por edhe juve
Çfarë po ndodh me beben?
Bebja juaj po bëhet më topolake dhe më i trashë! Këtë javë peshon pothuajse 900 gramë (si një kokë lulelakre) dhe është rreth 36-37 cm e gjatë nga koka te këmbët. Aktiviteti i saj i preferuar është ndoshta thithja e gishtit të madh – në këtë mënyrë ajo ushtron muskujt e faqeve dhe nofullave.
Fle dhe zgjohet në intervale të rregullta, hap dhe mbyll sytë. Truri i bebes është shumë aktiv. Edhe pse mushkëritë e saj janë ende të pazhvilluara, ato janë të afta të funksionojnë.
Një bebe e lindur në javën e 27-të kërkon kujdes intensiv në një inkubator, por është e aftë të luftojë për jetën e saj! – transmeton Telegrafi.
Çfarë po ndodh me mamin?
Jeni në fund të tremujorit të dytë! Lëvizni me kujdes për të shmangur rëniet – për shkak të peshës së shtuar, ndjenja juaj e ekuilibrit është disi e shqetësuar. Në përgatitje për lindjen, ligamentet tuaja relaksohen, kështu që mund të ndiheni pak të paqëndrueshme. Ky relaksim dhe lëvizje ndonjëherë mund të shkaktojë dhimbje të mprehta në zonën e legenit, dhe me çdo shtatzëni të re do të jetë më e fortë.
Trupi juaj po përgatitet për xhiron e fundit. Lodhja ndoshta është rikthyer dhe tani mund të vëreni edhe disa simptoma të reja. Përveç dhimbjes së shpinës, mund të përjetoni ngërçe në këmbë. Mitra juaj në rritje shtyp mbi venat që kthejnë gjakun nga këmbët tuaja në zemrën tuaj, si dhe mbi nervat që çojnë nga stomaku në këmbët tuaja. Fatkeqësisht, ngërçet mund të bëhen më intensive ndërsa shtatzënia përparon. Ato janë më të zakonshme gjatë natës, por mund të shfaqen edhe gjatë ditës. Kur kjo të ndodhë, shtrini pulpat – drejtoni këmbën, më pas lëvizni butësisht gishtat e këmbëve përpara dhe mbrapa drejt këmbës. Ecja dhe masazhi i pulpave gjithashtu mund të jenë të dobishëm.
Çfarë duhet të bëni?
▪ Gjeni dikë që t’ju ndihmojë. Duke marrë parasysh që dita ditës po bëheni më e rëndë dhe më të paqëndrueshme, punët e shtëpisë po bëhet gjithnjë e më problem për ju. Pra, kërkoni nga një anëtar të familjes që të bëjë pastrimin për ju, ose, nëse buxheti juaj ju lejon, paguani një grua që të pastrojë shtëpinë. Edhe pas lindjes së foshnjës, ndihma shtesë do të jetë e mirëseardhur kur bëhet fjalë për gatimin, pastrimin e shtëpisë, rregullimin e shtretërve dhe hekurosjen e rrobave. /Telegrafi/
▪ Njihuni me ushtrimet Kegel. Nëse nuk e keni bërë ende, është koha të filloni të bëni ushtrime për dyshemenë e legenit për të forcuar muskujt e tij. /Telegrafi/
Lufta Prigozhin - Putin
Më shumëSi ndryshon trupi i gruas pas humbjes së virgjërisë
Udhëzuesi i Kendall Jenner për veshjet pranverore? Pa një bluzë apo këmishë!
Njollat kafe?
A mund t’ju bien flokët nga përdorimi i tharësit të flokëve
Shëndeti i bebes: Uji është shkaktari i mundshëm i zhvillimit të ekzemës
Qindra emra shqiptarë dhe ilirë për fëmijën tuaj
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë