Ka ardhur java e shtatëmbëdhjetë e shtatzënisë dhe ja çfarë mund të prisni kur bëhet fjalë për beben tuaj, por edhe për ju
Çfarë ndodh me beben?
Kjo është periudha kur bebja rritet me shpejtësi. Në javët e ardhshme, ajo do të dyfishojë peshën e saj dhe do të rritet goxha shumë. Tani ajo peshon rreth 150 gramë dhe është rreth 13 cm e gjatë – nga koka te të pasmet (afërsisht sa një mango).
Sytë e bebes janë ende të mbyllur, por vetullat dhe qerpikët bëhen më të trashë. Gjoksi i saj ngrihet dhe ulet – në këtë mënyrë ajo praktikon frymëmarrjen. Fillon procesi i formimit të kockave – kërcet e buta kthehen në kocka. Kordoni i kërthizës tani është më i trashë dhe më i fortë, por edhe gjëndrat e djersës kanë filluar të zhvillohen, transmeton Telegrafi.
Çfarë ndodh me nënën?
Mitra juaj është zgjeruar mjaft dhe ka zënë një pjesë të madhe të stomakut tuaj. Hormonet janë qetësuar, kështu që ju ndiheni gjithnjë e më mirë çdo ditë. Ju jeni plot forcë dhe energji!
Megjithatë, gjatë kësaj periudhe herë pas here mund të humbni ekuilibrin. Ndërsa barku juaj rritet, qendra e gravitetit zhvendoset, duke ju bërë më të paqëndrueshme se më parë.
Shmangni situatat ku ekziston rreziku i lartë për t’u rrëzuar, sepse lëndimet në zonën e barkut mund të jenë të rrezikshme për ju dhe beben.
Mbathni këpucë me taka të ulëta dhe gjatë drejtimit të veturës, vini gjithmonë rripin e sigurimit – vendosni pjesën e poshtme mbi ijët, nën bark dhe pjesën e sipërme midis gjoksit.
Lentet e kontaktit mund të mos jenë të rehatshme për ju tani. Mbani ato për periudha më të shkurtra kohore ose përdorni syze deri në lindje. Nëse sytë tuaj janë të thatë, të ashtuquajturit lot artificial mund të jenë të dobishëm.
Dëshira për intimitet, për kënaqësinë e madhe të partnerit, është rikthyer (nëse është zhdukur në tremujorin e parë, gjë që ndodh shpesh). Kjo është një periudhë e shkëlqyer për të bërë dashuri, sepse nuk jeni më të lodhur dhe të rraskapitur siç keni qenë në tremujorin e parë dhe barku juaj nuk është bërë ende aq i madh sa t’ju kufizojë lëvizjet. Bërja e butë e dashurisë është krejtësisht e padëmshme gjatë shtatzënisë.
Çfarë duhet të bëni?
Ndani lajmin e mirë. Nëse keni një fëmijë më të madh, kjo është periudha kur mund t’i tregoni vogëlushit tuaj lajmin e mirë. Anëtari i ri i familjes do të ndryshojë rrënjësisht jetën e fëmijës tuaj më të madh, ndaj filloni ta përgatisni atë në kohë për një vëlla ose motër. Shpjegojini atij se do ta doni akoma njësoj kur të vijë fëmija. Mos harroni ta siguroni atë për emocionet dhe vëmendjen tuaj çdo ditë. Nëse fëmija juaj tashmë është mjaft i rritur, përfshijeni në përgatitjet për mirëseardhjen e foshnjës: planet e përbashkëta, përzgjedhja e mobileve dhe gardërobës… Dhe kur të mbërrijë foshnja, transferojini atij disa nga përgjegjësitë dhe detyrimet.
Bëni një listë me emrat e foshnjave. Shkruani në letër dhjetë emrat që ju pëlqejnë më shumë. Lëreni partnerin tuaj të bëjë të njëjtën gjë. Ndërroni listat dhe kaloni një emër nga lista që nuk ju pëlqen. Vazhdoni të shkëmbeni lista derisa të gjeni disa emra që ju pëlqejnë të dyve. Flisni pse ju pëlqen apo nuk ju pëlqen një emër. Bini dakord për emrat që nuk diskutohen, si për shembull emrat e ish të dashurve ose të dashurave ose emrat që përdoren shpesh për kafshët shtëpiake.
Pini mjaft lëngje. Ju dhe foshnja juaj keni nevojë për të paktën tetë gota ujë në ditë! /Telegrafi/
Lufta Prigozhin - Putin
Më shumëSi ndryshon trupi i gruas pas humbjes së virgjërisë
Stina e pranverës dhe shtatzënia
Udhëzuesi i Kendall Jenner për veshjet pranverore? Pa një bluzë apo këmishë!
Revyja më e pabesueshme në Javën e Modës në Paris: Modelet mbanin fustane të kthyera poshtë
Metodat e gjysheve për zbulimin e gjinisë së foshnjës
Sa zgjat ovulacioni dhe kur mund të mbetem shtatzënë?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Këto janë vendet ku TikTok tashmë është i ndaluar – dhe nuk janë pak
Florin Krasniqi kërkon mbi 28 milionë euro dëmshpërblim nga Mali i Zi
Ngacmimet seksuale, Salihaj: Në vitet e 70-a profesorët e UP-së kishin shtretër nëpër kabinetet e tyre
Teknologjia e vijës së portës ka analizuar golin në El Clasico, është konfirmuar se ishte apo nuk ishte
Zelensky tregon tri llojet e armëve që i duhen Ukrainës për të mposhtur Rusinë
Zbulohet favoriti i ri për të fituar Topin e Artë 2024: Haaland mbetet mbrapa në garë