Ivanoviqit i hiqet masa e arrestit shtëpiak

Udhëheqësit të Iniciativës Qytetare SDP, Oliver Ivanoviq, i është hequr masa e arrestit shtëpiak dhe është lejuar që të mbrohet në liri.

Lajmin e ka konfirmuar, Nebojsha Vlajiq.

Sipas tij, heqja e kësaj mase në mënyrë të konsiderueshme lehtëson punën e mbrojtjes.

Politikani serb akuzohet për vrasjen e shqiptarëve në prill të vitit 1999 në jug të Mitrovicës, si dhe për vrasje të shqiptarëve në shkurt të vitit 2000 në veri të këtij qyteti, transmeton Klan Kosova.