Aktorja Sophie Turner ka zbuluar se nuk ndihej rehat teksa puthi kolegun e saj në “Game of Thrones”, Kit Harington, gjatë xhirimeve të filmit të tyre të ri.
Ajo u shfaq në “Late Night with Seth Meyers” ku tha se gati sa nuk volli pasi puthi Haringtonin.
Jo sepse puthja ishte e keqe, por Sophie dhe Kit u afruan shumë në sheshxhirimin e “Game of Thrones” ku ato luajtën rolin e motër e vëlla, Sansa Stark dhe Jon Snow.
Sophie dhe Kiti do të luajnë në filmin e ardhshëm horror “The Dreadful”.
Aktorja, e cila mendonte se Kiti ishte zgjedhja perfekte për rolin kryesor, i dërgoi skenarin, vetëm për të marrë një mesazh prej tij.
Ajo nuk e dinte se çfarë ishte skenari kur i sugjeroi Kitit rolin.
"Dhe unë mendova, 'Për çfarë po flet ai?' Pastaj e lexova përsëri skenarin dhe aty thuhej, 'Puthje, puthje, seks, puthje, seks...' Dhe e kuptova, 'Oh, ky është vëllai im'", tha aktorja.
Megjithatë, ata vepruan sipas skenarit dhe u puthën.
Duke e përshkruar puthjen e tyre si "të shëmtuar", Sophie shtoi: "E hoqëm nga mendja, ishte vërtet e shëmtuar. Ishte më e keqja”.
“The Dreadful” nuk ka ende një datë publikimi dhe historia ndjek Anne (Sophie) dhe vjehrrën e saj Morwen (Marcia Gay Harden), të cilat jetojnë në periferi të shoqërisë dhe jetët e të cilave përmbysen kur një burrë i luajtur nga Kit Harington kthehet nga e kaluara. /Telegrafi/
