LAJMI I FUNDIT:

Istrefi: Menaxhmenti i Telekomit sot pritet të shkarkojë edhe 10 menaxherë

Istrefi: Menaxhmenti i Telekomit sot pritet të shkarkojë edhe 10 menaxherë

Edhe gjatë ditës së sotme menaxhmeti i Telekomit të Kosovës pritet të vazhdojë me shkarkime të reja. Ky menaxhment ka vendosur që për shkak të përformancës së dobët të shkarkojë edhe dhjetë menaxherë regjional që kryesisht vijnë nga departamenti i shitjes.

Këtë e ka bërë të ditur, kryeshefi i Telekomit të Kosovës, Bedri Istrefi, i cili gjatë një intervistë ka paralajmëruar shkarkime të reja.

Si shkaktar të këtyre shkarkimeve, Istrefi po e konsideron përformancën e dobët të këtyre menaxherëve.

“Duke e parë përformancën e tyre kam qenë jashtëzakonisht  i detyrueshëm që të marrë vendime të marrë vendime të nivelit të lartë të menaxhimit që të bëjë ndryshe, rifreskime dhe ne të fillojmë me njerëz të ri të japin kontributin e tyre që të mund sado pak të krijojmë një qëndrueshmëri financiare. Ka pasur diku 6 shkarkime dje të nivelit të lartë, sot pritet të ketë edhe shkarkime të tjera të nivelit të menaxherëve regjional, të disa menaxherëve të tjerë në disa drejtori tjera, kështu që do të vazhdohet çdo ditë të identifikohet përformanca e secilit që kanë pozita që të shikohet përformanca e tyre dhe të bazë të përformancës të jepet edhe vlerësimi edhe gradimi, edhe stimulimi por edhe të ndëshkohen ata të cilët nuk e kryejnë punën si duhet…Sot priten shkarkime tjera do jenë diku nja 10”, tha ai.

Derisa thotë se do të jetë i pakompromisë ndaj atyre që tregojnë përformancë të dobët, i pari i Telekomit paralajmëroi çdo ditë shkarkime të tjera.

“Çdo ditë do priten shkarkime të reja, çdo ditë nuk do kem kompromisë ndaj asnjërit brenda Telekomit të Kosovës, i cili ka përformancë të dobët, përformnca e tyre e punës ndikon direkt në zhvillimin dhe avancimin e Telekomit të Kosovës” , u shpreh kreu i Telekomit.

Kryeshefi i Telekomit për Telegrafin: Shkarkimet do të ndodhin për performancë negative, nuk ka vendim për Limajn
Lexo po ashtu Kryeshefi i Telekomit për Telegrafin: Shkarkimet do të ndodhin për performancë negative, nuk ka vendim për Limajn

Sipas tij, ata që do të shkarkohen, do t’i takojnë kryesisht  departamentit të shitjes, pasi është vërejtur një papërgjegjësi ndaj kërkesave të konsumatorëve.

“Kryesisht departamenti i shitjes e ka thuajse rolin kyç pasi ne lidhim kontrata me biznese, me institucione, me konsumatorë dhe secili prej tyre kategori nga një menaxher kontrate dhe e shohim një moskomunikim në mes të sekretariatit me krijimin e këtyre kontratave. Dhe ka qenë një neglizhencë jashtëzakonisht e madhe ndaj stafit të brendshëm dhe nuk do kem kompromisë ndaj këtyre personave që janë të papërgjegjshëm në raport me trajtimin e kërkesave të konsumatorëve”, tha ai.

Kryeshefi i Telekomit të Kosovës, Bedri Istrefi teksa ka folur për shkarkimet e djeshme brenda kësaj korporate publike, tha se janë bërë 6 shkarkime.

Istrefi për KosovaPress, ka dhënë sqarime lidhur me shkarkimin e Demir Limaj, drejtor i shitjes në Telekomin e Kosovë.

“Para 3 muajve që kemi biseduar bashkërisht që ta gjejmë një zëvendësues, një person adekuat që ka mundësi me pas nën kontroll stafin e brendshëm të krijohet llogaridhënie brenda institucionit…Nuk e kam shkarkuar atë ne në mirëkuptim bashkërisht do ta edhe vendimin që i kam marrë në drejtorinë e shitjes i kam marrë në koordinim dhe bashkëpunim të ngushtë me zotëri Limaj, ai është ende drejtor i shitjes dhe shpresojmë që ditëve në vazhdim do e bëjmë një zgjedhje jashtëzakonisht të mirë edhe me zotërinë Limaj që do zgjedhim një kandidat të brendshëm që do e bënë punën e zotëri Limajt….Kisha takim edhe në mëngjes sot me të, edhe me disa pjesë të nivelit të lartë të drejtorëve të menaxhmentit të Telekomit dhe në biseda me të shihet se ambicien më të madhe e ka kah pjesa akademike, por besoj se deri në fund të këtij muaji do definohet qartë ” ,theksoi kryeshefi i Telekomit të Kosovës.

Gjatë ditës së djeshme përveç Demir Limajt, të shkarkuar të tjerë janë Arsim Bilalli dhe Arben Shaban.

Në trend Ekonomi

Më shumë
Afër detit, afër mbretit - Mbreti i

Afër detit, afër mbretit - Mbreti i "Holiday In 2" po t'fton në fron

Edil Project
Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm

Kontratat njëburimore, Tahiri përplaset me Kusari-Lilën: Dëgjoni, mos u bëni të pasjellshëm

Ekonomi
Mustafa, Rrustemit: U mundove me thanë që LVV e pa korruptuar, por kryeshefi i KEK-ut që e keni emëruar u arrestua për korrupsion e kontrata njëburimore

Mustafa, Rrustemit: U mundove me thanë që LVV e pa korruptuar, por kryeshefi i KEK-ut që e keni emëruar u arrestua për korrupsion e kontrata njëburimore

Ekonomi
Kritikat për kontratat njëburimore, Aliu: Është vetëm një, nuk e kam problem hetimin

Kritikat për kontratat njëburimore, Aliu: Është vetëm një, nuk e kam problem hetimin

Ekonomi
​S’ka kuorum, dështon themelimi i Komisionit hetimor për kontratat njëburimore

​S’ka kuorum, dështon themelimi i Komisionit hetimor për kontratat njëburimore

Ekonomi
Abonohu në Shqip.ai - Zbulo pakot e reja të çmimeve

Abonohu në Shqip.ai - Zbulo pakot e reja të çmimeve

Ekonomi
Kalo në kategori