Vendi për samitin e javës së ardhshme në Singapor midis presidentit amerikan Donald Trump dhe liderit të Koresë së Veriut, Kim Jong-un është vendi i plazheve të bukura, kazinove dhe disa prej fushave më të mira të golfit në Azi.
Por, siç shkruajnë mediat e huaja, përcjell Telegrafi, ishulli Sentosa – ku presidenti i SHBA-ve dhe udhëheqësi i Koresë së Veriut do të takohen më 12 qershor – ka një të kaluar të errët.
Ndërkohë që emri i tij bashkëkohor do të thotë “paqe dhe qetësi”, Sentosa u përdor si një burg japonez i kampit të luftës për ushtarët britanikë dhe australianë, pasi forcat aleate iu dorëzuan japonezëve në 1942.
Ishte gjithashtu vendi i ekzekutimeve përmbledhëse të një numri të madh të kinezëve të Singaporit – përfshirë civilët – të dyshuar për përfshirje në aktivitetet anti-japoneze. Shumë nga vrasjet u kryen në plazhin e ishullit.
Deri në vitin 1972 Sentosa njihej si Pulau Belakang Mati – përkthyer si “ishulli i vdekjes nga prapa” – por u riemërua si pjesë e një fushate qeveritare të Singaporit për ta kthyer atë në një ishull turistik.
Gjithsesi, sipas mediave, përcjell Telegrafi, vendimi për të mbajtur samitin në Sentosa ka kuptim logjistik.
I vendosur vetëm gjysmë kilometër nga bregu jugor i ishullit kryesor të Singaporit, ai ofron izolim dhe privatësi dhe do të jetë relativisht e lehtë për tu siguruar.
“Vendi për samitin e Singaporit në mes të Presidentit amerikan dhe udhëheqësit Kim Jong-un do të jetë Hotel Capella në Sentosa Island”, tha sekretarja e shtypit e Shtëpisë së Bardhë, Sarah Sanders, të martën.
Më parë të njëjtën ditë, Trump shkroi: “Takimi në Singapor me Korenë e Veriut shpresoj do të jetë fillimi i diçkaje të madhe … së shpejti do të shohim!”
Samiti i tyre, që do të fillojë në orën 9 të mëngjesit të së martës së ardhshme, do të jetë i pari midis udhëheqësve të SHBA dhe të Koresë së Veriut.
Ata do të përqendrohen në denuklearizimin e gadishullit Korean, pak javë pas një takimi historik midis Kim dhe presidentit të Koresë së Jugut, Moon Jae-in.
Ndërkohë, burimet e njohura me aranzhimet kanë thënë se diplomatët amerikanë kishin zgjedhur ishullin, i cili është i lidhur me ishullin kryesor të Singaporit nga një rrugë e vetme, që mund të mbyllet lehtësisht në trafik.
Autoritetet e Singaporit kanë vënë në “shënjestër” një pjesë të ishullit që rrethon hotelin Capella si një zonë të veçantë sigurie në ditët rreth samitit.
Sipas gazetës së qeverisë, në zonën speciale do të ndalohen armë, zhurma, sisteme zërimi dhe banderola, me policinë që lejohet të kryejë kërkime trupore për ata që hyjnë në zonë.
Duke dhënë detaje tjera rreth ishullit, mediat shkruajnë se Sentosa është gjithashtu shtëpia e disa prej banorëve më të pasur të qytetit-shtet, me vila që kushtojnë deri në 30 milionë dollarë.
Vendosur në 30 hektarë tokë, projektuar nga arkitekti britanik Norman Foster, hoteli ka pritur edhe yje si Madonna dhe Lady Gaga.
Gjithsesi, në këtë hotel nuk do të ketë më rezervime, deri në përfundimin e samitit. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Sanduloviq vazhdon akuzat ndaj Vuçiqit: Me urdhër të kujt po kërcënohet, përgjohet dhe ndiqet vajza ime?
Ai e shëtiste me veturën e shtrenjtë një të pastrehë meksikan – nuk e kishte ëndërruar që videot e tij do të ishin shkaktar i një bashkimi familjar
Pas sulmit izraelit, asnjë linjë ajrore perëndimore nuk fluturon mbi Iran
Reagimi me një fjalë i ministrit izraelit – detaje dhe pamje, minutë pas minute, rreth ‘hakmarrjes’ së Izraelit ndaj Iranit
Izraeli e njoftoi në minutën e fundit SHBA-në për sulmin ndaj Iranit
"Iranianët janë shumë të frikësuar"
Sulmi izraelit, iranianët pretendojnë se “shpërthimet ishin si fishekzjarre"
Izraeli sulmon Iranin me raketa
Një fshat i vogël është bërë i famshëm në Itali: Atje dielli nuk bie kurrë, por vendasit kanë një ide gjeniale
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi