Ishte një “javë produktive” për Ukrainën – thotë Zelensky

Ishte një “javë produktive” për Ukrainën, ka thënë Volodymyr Zelensky në fjalimin e tij të natës vonë.

Udhëheqësi ukrainas tha se paketat e mbrojtjes nga SHBA dhe Kanada do të ishin “shumë të nevojshme në front”, përcjell Telegrafi.

“Ekziston një vendim historik i SHBA-së për të prodhuar së bashku armë dhe sisteme mbrojtëse”, ka theksuar ai.

Ai vazhdoi duke thënë se vendi kishte një “perspektivë të qartë” që do të parandalonte përsëritjen e agresionit rus.

Deklaratat e tij vijnë në kohën kur Rusia nisi një sulm ajror gjatë natës në Odesa.

Lexo po ashtu Është një kajak me një granatëhedhës – njihuni me ‘armën’ tjetër që mund të jetë ndryshimi i lojës në Ukrainë

Një grua u plagos dhe infrastruktura portuale u dëmtua në një sulm me raketa dhe dron gjatë natës, tha Oleh Kiper, guvernatori i rajonit Odesa në Ukrainën jugore.

Ndërkohë një zjarr ka shpërthyer në një shumëkatëshe jo-rezidenciale në qytet si rezultat i sulmit, por u shua menjëherë, shkroi Kiper në Telegram.

Reuters thotë se megjithatë nuk mundi të verifikonte në mënyrë të pavarur raportin.

Shkalla e sulmit dhe shkalla e dëmit nuk dihen menjëherë. /Telegrafi/