Ishin bllokuar për më shumë se dy javë në një minierë, shpëtohen 11 prej 22 minatorëve në Kinë

Rreth 11 minatorë të cilët ishin bllokuar në një minierë ai për më shumë se dy javë në Kinën lindore janë shpëtuar.

Sipas CNN, përcjell Telegrafi, autoritetet kishin qëllim për të gërmuar 22 persona të bllokuar nën tokë në qytetin Qixia, provinca Shandong, që kur një shpërthim bllokoi daljen e tyre më 10 janar.

Minatori i parë u shpëtua të dielën në mëngjes dhe ishte në gjendje “jashtëzakonisht të dobët”, derisa thuhet se i njëjti u dërgua në spital.

Bëhet e ditur se 10 minatorët e tjerët u ngritën nga një pjesë më e thellë e minierës, njëri prej tyre thuhet se u lëndua, por nuk është e qartë gjendja serioze e tij.

Një minator besohet të ketë vdekur, sipas medieve shtetërore.

Autoritetet kishin thënë më pas se 10 persona të cilët ishin mbërthyer në dhomën e minierës rreth 600 metra nën tokë, ishin në kontakt me botën e jashtme pasi punëtorët e shpëtimit shpuan një kanal në një pjesë të minierës dhe instaluan një linjë telefonike. Nuk është e qartë nëse ata 10 janë midis atyre që janë shpëtuar.

Përpjekjet kanë qenë duke u zhvilluar për të arritur punëtorët që kur shpërthimi ndodhi rreth 240 metra nga hyrja e minierës, por zyrtarët kinezë kishin thënë të enjten se mund të duheshin 15 ditë për të shpuar 70 tonë mbeturina duke bllokuar shumë prej minatorëve. /Telegrafi/