Ish-ministri Mehaj për ngjarjet në veri: Edhe 10 mijë euro rrogë janë pak për djemtë e Kosovës, ata nuk janë thesar i asnjë partie politike

Ish-ministri i Mbrojtjes Armend Mehaj, ka reaguar për ngjarjet e fundit në veri të Kosovës.

Përmes një shënimi në Facebook, Mehaj ka vlerësuar lartë profesionalizimin e njësiteve speciale të Policisë së Kosovës në mbrojtje të sovranitetit të vendit.

Ushtaraku ka kritikuar institucionet për pagën e ulët që kanë pjesë tarët që mbrojnë sigurinë  e vendit.

“Kur ju duhem na doni shumë. Por kur nuk jeni në rrezik, thoni se edhe 600 euro janë shumë për pagë. Djemtë tanë sot na zbardhën fytyrën përpara krejt botës dhe treguan vlerën e vërtetë të tyre. Si kalorësit e Skënderbeut, këta e shpëtuan atdheun nga rreziku dhe treguan cilësi, sinqeritet dhe respekt jo vetëm për popullin në rrezik, por edhe ndaj armikut terrorist. Një armik që ka pas mbas vetes një aparat të tërë shtetëror nga një shtet fqinj me të gjitha furnizimet dhe logjistik”.

Mehaj ka thënë se është kritike që Kosova të bëhet anëtare e NATO-s.

“Këtë e dinë edhe aleatët tanë. Prandaj është kritike që Kosova të marrë PFP dhe të bëhet anëtare e NATO-s. Nëpër botë vlera e përvojës, gatishmërisë dhe vendosmërisë e këtyre djemve tanë ka në dispozicion miliarda euro”.

Ish-ministri i Mbrojtjes thotë më tej se këto njesite të Kosovës mund t’i japin leksione të gjitha njësive në botë.

“Me fjalë të tjera, edhe 10.000 euro rroge në muaj nuk e shpaguajnë rolin e tyre tejet të rëndësishëm. Për më tepër, me nivelin e tyre profesional përgatitor që e kanë arritur kjo njësi policore – disiplinë, përkushtim në detyrë, atdhedashuri, trimëri etj.), mund ti japin leksion të gjitha njësive më të mira në Botë”.

“1. Fondi i sigurisë ekziston edhe është për të gjitha institucionet e sigurisë

Dronat, tani po e shihni/bindeni vet, se sa kryejnë punë dronat dhe se na duhen.
Shumë më shumë përkushtim për djem të tillë – sepse vlera e tyre është e paimagjinueshme. 4. koordinimi me forcat amerikane është shumë i rëndësishëm”, ka shkruar tutje Mehaj.

Për fund ish-ushtaraku ka thënë se këto njesite nuk janë aset i asnjë partie politike por i Kosovës.

“Këta djem nuk janë thesar i asnjë partie politike, por thesar shumë i çmuar i tërë Kosovës”, ka përfunduar Mehaj./Telegrafi/