Ish-kreu i ETA-s, Josu Ternera, të cilin autoritetet spanjolle e kanë akuzuar për pjesëmarrje në një sulm në të cilin 11 vetë, përfshirë gjashtë fëmijë, u vranë në vitin 1987, u arrestua në Francë, tha sot Ministria e Brendshme spanjolle.

Ternera, 69-vjeç, gjithashtu i njohur si Antonio Urutikoechea, u arrestua në Savoy-n e Epërme falë një veprimi të përbashkët spanjoll-francez.

Gjykata e Lartë Spanjolle lëshoi një urdhër ndërkombëtar për atë në vitin 2002 për sulmin në një kazermë policore në Saragozë në dhjetor 1987.

Ai u arrestua në një akuzë të lëshuar nga një gjykatë e Parisit duke e dënuar atë me tetë vjet burg për pjesëmarrje në grup terrorist, tha një burim i paidentifikuar nga një gjykatë franceze.

Ternera ishte në arrati që nga viti 2002, kur ishte deputet në parlamentin rajonal bask.

Vlerësohet se gjatë sulmeve guerile ETA për 50 vjet ka vrarë 850 persona.

ETA shpalli armëpushim më 2011 dhe dorëzoi armët në prill 2017. Në muajin maj të vitit të kaluar organizata bëri të ditur se ka shpërndarë të gjitha strukturat e saj.