Ish-kapiteni i Arsenalit godet ashpër Artetan: Nuk ka personalitet për të punuar me lojtar të mëdhenj

Një ish-lojtar i Arsenalit e ka vënë në pikëpyetje personalitetin e Mikel Artetas për të menaxhuar një lojtar të madh siç është sulmuesi Victor Osimhen. 

Ish-kapiteni i ‘Topçinvje’, William Gallas, ka kërkuar nga klubi i tij i vjetër që të nënshkruajë me Osimhen, i cili po kalon sezonin si huazim tek Galatasaray, për t’i dhënë fund problemeve në sulm. 

Sidoqoftë, francezi nuk beson që Arteta do të jetë në gjendje që ta menaxhojë nigeriarnin, diçka që ai pretendon se emra si Sir Alex Ferguson, Arsene Wenger dhe Jose Mourinho do të ishin në gjendje ta bënin. 

“Mendoj se Victor Osimhen do të ishte njeriu që do të përpiqesha ta nënshkruaja. Ai është paraqitur mirë për Galatasaray, natyrisht në huazim nga Napoli dhe ai do të jetë atje edhe për një sezon tjetër”. 

Lexo po ashtu Mikel Arteta po synon ribashkimin me ish-sulmuesin e Man Cityt tek Arsenali

“Ai është një lojtar i mirë, ndoshta jo lojtari perfekt, por ndoshta ai mund të shënojë 20 gola në sezon, por nëse nuk e bën, ai të jep lëvizjet, të jep hapësirën për sulmuesin e dytë që të shpërthejë dhe të shënojë gola”. 

“Ai e rrëmben fokusin nga mbrojtësit kështu që mund të luajë me Kai Havertz ose një tjetër sulmues. Ai do të jetë pak më shumë i lirë dhe ai mund të shënojë gola për klubin”. 

“A është ai një lojtar shumë i madh për Artetan? Ndoshta. Mikel Arteta nuk e ka personalitetin për të menaxhuar lojtarë si Osimhen ose të merret me lojtarë që kanë personalitet”. 

“Trajnerët e mëdhenj si Klopp, Guardiola, Ancelotti, Mourinho dhe Ferguson. Edhe Wenger, ai kishte personalitetin e të qenurit miku ynë, por ai e dinte se si të fliste me lojtarët”, ka thënë Gallas./Telegrafi/