Kur të lansohet iPhone i ri, mund të dërgohet material audio, në dy pajisje të ndryshme, nëpërmjet sistemit Bluetooth.

Blogu japonez Mac Otakara, që ka afërsi të madhe me zinxhirin e prodhimit Apple, raporton se ky është një prej përditësimeve kryesore në telefonin e ri, transmeton Telegrafi.

Për momentin, iPhone mund të lidhet nëpërmjet Bluetooth, me shumë pajisje – orë, kufje, apo veturë – mirëpo, nuk mund të dërgohet audio material, në dy pajisje në të njëjtën kohë.

Nëse janë dy persona që kanë AirPods, mund të dëgjojnë muzikë nga i njëjti iPhone. Me përditësimin e ri, mund të dërgohet sinjale GPS në veturën tjetër, pa pasur nevojë të ndalohet muzika që është lëshuar në kufje.

Sistemi duket shumë i avancuar, megjithëse nuk është i pa dëgjuar. Telefonat Samsung që mbështeten nga Bluetooth 5.0 e kanë të njëjtin sistem, që funksionon të quajtur Dual Audio.

Vetëm se, në këtë raport, nuk tregoseh se cili iPhone do ta ketë këtë mundësi. /Telegrafi/