Interi gati për takimin e ri me Dybalan, por Sanchez vazhdon të mbetet pengesë

Interi do të takohet me agjentin e sulmuesit Paulo Dybala, Jorge Antun, javën e ardhshme, por ata ende nuk mund ta mbyllin marrëveshjen për shkak të problemit me Alexis Sanchezin, të cilin synojnë ta largojnë.

Nerazzurrët janë përpara konkurrentëve për sulmuesin argjentinas 28-vjeçar, duke mbajtur avantazhin ndaj Borussia Dortmund, Newcastle, Sevilla dhe Arsenal.

Bisedimet janë të vazhdueshme me përfaqësuesit e Dybalas dhe Interi është i bindur se do të sigurojë një marrëveshje, por ata së pari duhet të gjejnë një ‘shtëpi’ të re për Sanchez.

Lexo po ashtu Dyshja kiliane Sanchez dhe Vidal nuk po largohen – kjo bën që Interi të ketë vështirësi për sjelljen e yjeve

Sipas La Gazzetta dello Sport, Interi është i gatshëm të takohet me agjentin e Sanchez, Fernando Felicevich, ndërsa ata kërkojnë të shesin sulmuesin kilian.

Sevilla dhe Galatasaray janë dy klubet e interesuara për ish-lojtarin e Arsenalit, por asgjë konkrete nuk ka ndodhur deri më tani.

Inter in pole per Dybala: nuovo summit in settimana. Per la firma servirà l’addio di Sanchez https://t.co/b3zGSVrSqt

— TUTTOmercatoWEB (@TuttoMercatoWeb) June 5, 2022

Sanchez fiton 7.5 milionë euro neto në sezon në Inter dhe ata do të duhet të paguajnë një tarifë largimi nëse duan të anulojnë kontratën e tij një vit më herët.

Pasi sulmuesi kilian të largohet, Nerazzurrët do të kërkojnë të mbyllin marrëveshjen për Dybalan, i cili thuhet se ka pranuar kushtet personale. /Telegrafi/