“Interi e meritoi fitoren, duhej të shënonim shtatë ose tetë gola”, Inzaghi i pakënaqur me barazimin ndaj Juventusit

Simone Inzaghi ka insistuar se Interi e meritoi fitoren në barazimin me rezultat 4-4 ndaj Juventusit dhe se ekipi i tij duhej të shënonte shtatë ose tetë gola.

“Ka zhgënjim, por si trajner duhet të analizojë katër golat që i pësuam. Ne ishim përballë ndaj një ekipi të fortë si Juventusi, por nuk mund të pësojmë katër gola”, ka thënë Inzaghi fillimisht.

“Unë gjithashtu duhet të marrë edhe gjërat pozitive. Juventusi është një skuadër që pësonte vetëm një gol në tetë ndeshje të Serie A dhe sot duhej të pësonin shtatë ose tetë”.

“Fatkeqësisht, ne kishim katër ose pesë mundësi për të shënuar të pestin, ky është një ekip me përvojë, ne e dimë se këto raste nuk bën të humben”.

“Ka hidhërim, por si trajner duhet të analizojë dhe të bisedojë me ta nesër, pasi lojtarët u dukën të mërzitur në zhveshtore”.

Inter pati mbrojtjen më të mirë në Serie A sezonin e kaluar dhe ende nuk kanë pësuar në tri ndeshjet e para në Ligën e Kampionëve.

“Është një periudhë ku ne duhet të punojmë më shumë dhe më mirë. Ne e mbajtëm portën e pastër dy herë radhazi, por jam në dijeni se duhet të bëjmë më shumë”.

“Juventusi pati katër goditje në drejtim të portës dhe shënoi katër gola, kështu që kur është një rekord i 100 për qind, kjo do të thotë se jemi duke bërë diçka gabim”, përfundoi tekniku italian./Telegrafi/