Infektologu Sadiku: Me lirimin e masave mbikëqyrja duket të jetë më e madhe, ndryshe situata me pandeminë mund të rëndohet
Ish-zëvendësministri i Shëndetësisë, infektologu Izet Sadiku në një intervistë për Telegrafin ka folur për situatën me pandeminë në Kosovë, vaksinimin dhe masat antiCOVID-19, e po ashtu edhe për nevojat që i ka shëndetësia në Prishtinë.
Sadiku ka thënë se nuk ka komoditet për lirimin e masave nëse nuk ka monitorim më të rreptë.
Sipas tij, mbikëqyrja është e domosdoshme, për shkak se valë të reja të coronavirusit mund të shfaqen përsëri në Kosovë.
“Numri i rasteve aktive nuk na jep komoditet që të lirojmë masat në mënyrë që situata të jetë e pakontrollueshme. Tash e kemi një relaksim të situatës, por duhet monitorim për arsye se e kemi parë në qershor e korrik që relaksimi i madh pa mbikëqyrje të domosdoshme, mund të na fut në një situatë të një vale të re e cila prapë mundet të jetë e rëndë sikur kjo”, tha Sadiku gjatë intervistës për Telegrafin.
Ish-zëvendësministri i Shëndetësisë, Izet Sadiku theksoi se të gjitha masat që do të merren tash e tutje do të varen nga numri i qytetarëve që vaksinohen.
“Masat që planifikohen të merren do të jenë konform numrit të të vaksinuarve, dhe e dimë që ky numër në Kosovë ende është i vogël, diku 26 % i kemi tash të vaksinuar, e kjo nuk na lejon komoditet që të kemi masa të liruara, nëse nuk kemi së paku mbikëqyrje më të madhe”, u shpreh Sadiku.
Sadiku tha se masat të cilat janë marrë deri më tani do të duhej të krahasoheshin me numrin e shtretërve të lirë nëpër spitale, teksa u shpreh se referuar situatës së vështirë në këtë aspekt gushti i këtij viti ka qenë më i rëndi.
“Mutacioni që pësuar virusi, që është varianti Delta i cili tashmë është shumë më ngjitës dhe lirimi i masave, qarkullimi shumë i madh i popullsisë, pa kontroll, ardhjet e mëdha të njerëzve që kanë ardh nga diaspora kanë ndikuar që të kemi numra më shumë të të infektuarve, por fatkeqësisht edhe të personave të vdekur”, u shpreh ai.
Ai u shpreh se në momentin që lirohen masat, do të duhej të kishte mbikëqyrje shumë më të madhe të respektimit të atyre masave që mbesin në fuqi.
Tutje, infektologu Sadiku i cili kandidon për asamble të Komunës së Prishtinës nga radhët e LDK-së ka folur edhe për gjendjen me coronavirusin në qytetin e Prishtinës, ndërkaq theksoi se angazhimi i tij do të jetë ndërtimi i spitalit të qytetit për të cilin sipas tij më së shumti ka nevojë Prishtina.
Siç tha ai, shumë shpesh kanë raste kur QKUK-ja po shndërrohet në një kujdes dytësor, për shkak të mungesës së spitalit të qytetit dhe sipas tij po ngarkohet tej mase për këtë arsye.
Sadiku tha se në Prishtinë ka nevojë edhe për një Qendër Paliative, përmes së cilës do të merrnin shërbim personat të cilët janë në gjendje të rëndë shëndetësore, por që trajtohen në shtëpi.
“Angazhimi do të bëhet për ndërtimin e spitalit të qytetit. Prishtina është i vetmi qytet që nuk ka spital, prandaj qytetarët e Prishtinës ngarkojnë QKUK-në që është qendër terciare, e që përveç shërbimeve tjera, jep shërbime edhe universitare, edhe për specializantë”, u shpreh Sadiku. /Telegrafi/
Lufta Prigozhin - Putin
Më shumëNga Rubrika
135 euro ryshfet që t’ia lehtësojë procedurat për lirimin e mallit, kërkohet paraburgim për zyrtarin e ATK-së në Mitrovicë
Toshkovski: Zgjedhjet përgjithësisht kaluan qetë, 12 raste të fotografimit të fletës së votimit
Kuvendi miratoi Projektligjin për zyrtarët publikë
Çka tha diplomati slloven Zhbogar në OKB që u irritua Vuçiqi?
Sylejman Selimi dhe Jahir Demaku lirohen nga akuza për krime lufte
Babai i Vanjës me ankesë të re para Gjykatës Supreme, kërkon që t’i hiqet masa e paraburgimit
Sindikata e Re e KEK-ut, ajo e Administratës dhe e Trepçës reagojnë ndaj kryetarit të BSPK-së për disa vendime
Organizatori i protestave anti-Vuçiq në Beograd, Manojloviq: Unë jam gjallë falë besës së shqiptarit
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën