Gjatë vikendit të kaluar në Louisiana të SHBA-ve është regjistruar një incident, kur një djalë ka vjedhur autobusin e shkollës me të cilin ikte nga policia.

Bëhet fjalë për një 11-vjeqar i cili në Baton Rouge të Louisiana vodhi autobusin e shkollës. Ky i ri ishte futur në autobus rreth orës 11 që të shëtitet paksa nëpër qytet, dhe aty filloi ndjekja si nëpër filma që gjati për rreth 30 minuta, transmeton Telegrafi.

Shoferi i ri nuk kishte respektuar rregullat në komunikacion, kurse gjatë vozitjes kishte lëvizur edhe nëpër trotuar, duke dëmtuar një pompë të derivateve dhe shumë prona tjera private.

Në fund është përplasur në një pemë gjigante, ku më pas ka ndërhyrë policia duke e kapur. E duke marrë parasysh se bëhet fjalë për një të mitur, identiteti i tij nuk është zbuluar, megjithatë është akuzuar për vjedhjen e një mjeti motorik dhe dëmtim të pronës. /Telegrafi/