Kompania Maxar Technologies publikoi imazhet satelitore të një fshati në rajonin jugor të Khersonit, të marra para dhe pas shkatërrimit të digës dhe përmbytjes që rezultoi.
Në foton e sipërme shihet fshati Korsunka e realizuar me satelit më 15 maj, ndërsa fotografia e poshtme është bërë dje pas përmbytjes së fshatit, transmeton Telegrafi.
Fotografia më poshtë tregon një krahasim të fotove të shtëpive dhe fermave në fshatin Korsunka, më 15 maj dhe dje pas përmbytjes së shkaktuar nga shkatërrimi i digës së Nova Kakhovkës.
Deri më tani, më shumë se 1000 njerëz janë evakuuar nga zona. Niveli i ujit në Nova Kakhovka filloi të bjerë mëngjesin e sotëm, pas rritjes së djeshme për shkak të shembjes së digës, njoftoi administrata lokale e ngritur nga Moska, raporton Reuters.
“Niveli i ujit në rrugët e përmbytura më parë të Nova Kakhovka ka filluar të bjerë”, thanë autoritetet lokale në Telegram.
Menjëherë pas prishjes së digës, niveli i ujit në atë qytet u rrit me 11 metra.
Sipas të dhënave paraprake, shtatë persona u zhdukën në afërsi të Nova Kakhovkës pas shkatërrimit të hidrocentralit, tha kryetari i bashkisë së qytetit, Vladimir Leontyev, në kanalin e tij Telegram.
Ai shtoi se niveli i ujit në Nova Kakhovka ka rënë për 35 centimetra gjatë natës. /Telegrafi/
