Për imamët e Kosovës, Bekim Jashari dhe Osman Musliu, sulmi ndaj hoxhës së fshatit Lupç, Zeqir Berisha, ka qenë tinëzar dhe brutal.
Sipas tyre, për këtë sulm duhet të reagojnë institucionet përgjegjëse, pasi është një goditje e rëndë ndaj Bashkësisë Islame të Kosovës.
“Ky sulm është tinëzar, brutal dhe goditje ndaj institucionit të Bashkësisë Islame të Kosovës”, kështu ka thënë Bekim Jashari, kryeimam i Komunës së Podujevës për sulmin ndaj Hoxhës së Fshatit Lupç, Zeqir Berisha.
Jashari në emisionin “Debat Plus”, ka thënë se për këtë sulm nuk dihen ende se cilat janë arsyet, pasi që Hoxha siç thotë ai, ishte në krye të detyrës së tij duke shkuar në namazin e jacisë.
“Ai u sulmua nga persona të paidentifikuar, janë tre persona të arrestuar, nuk mund të targetojmë askënd”, ka thënë Jashari.
Për Jasharin, ky sulm është një goditje tinëzizisht pas shpine dhe tendencë e një akti të rrezikshëm.
Ai ka thënë se për këtë sulm, dënimin mund ta konkludojnë organet e drejtësisë.
“Për motivet nuk mund të themi diçka konkrete, janë organet e drejtësisë që e kryejnë punën e tyre”, ka shtuar Jashari.
Sipas tij, Llapi mbetet në vijimësi kundër këtij radikalizmi, siç është shprehur ai “anijet e errëta do të fundosen në Llap”.
“Hoxha i Lupçit njëherë ka shërbyer në Vlorë, në Gllamnik, pastaj është transferuar në Lupç. Hoxha pasi është ankuar nga këta persona ka bërë përpjekje për të qetësuar situatën, jo të kontribojë në këtë formë për të nxitur dhunë”.
Tutje u shpreh se më herët hoxhallarët janë rrahur nga pushtuesit, ndërsa tashmë nga njerëz që pengojnë punën e Xhamisë.
Për Jasharin, imami Berisha ka ndjekur vijën e islamit, prandaj ai i ka uruar Hoxhës shërim të shpejtë, që të kthehet në krye të detyrës.
Ndërsa Osman Musliu, imam nga Drenica, për hoxhën Zeqir Berisha ka thënë se është i ndershëm dhe i sjellshëm, prandaj këtë ngarje e ka quajtur të rëndë, e cila kohëve të fundit, ka shkaktuar frikë edhe te hoxhallarët e tjerë në Podujevë.
Osmani deklaroi se situatë të tillë ka pasur edhe personalisht në Xhaminë në të cilën ka shërbyer.
“Asnjëherë nuk kam pasur probleme personale për të cilat jam sulmuar, por vetëm janë munduar të më pengojnë në Xhami”, ka vijuar Musliu.
Musliu ka shtuar se këto gjëra negative dhe radikaliste nuk po mbrohen nga BIK dhe nga shteti, prandaj ai ka kërkuar reagim nga ana e instucioneve përgjegjëse për këtë situatë.
Ndryshe, më 22 korrik, menjeherë pas faljes së namazit të Jacisë, Hoxhës së Fshatit Lupç, Zeqir Berisha, disa persona ia zunë rrugën.
E para derës së Xhamisë, ai u rrah brutalisht nga disa persona.
Se si erdhi deri tek kjo ngjarje e rëndë, banorët e fshatit nuk e dinë me saktësi, por prapa kamerës thonë se deri tek ky incident mund të ketë ardhur si pasojë e mënyrës së faljes së namazit.
Madje, Hoxha Zeqir Berisha, edhe më parë ki kishte paraqitur në polici emrat e disa personave të cilët e kishin penguar gjatë kryerjes së punës së tij.
Ndërkohë, pas kësaj ngjarje Polica e Kosovës, ka arrestuar tre vllezër nga i njëjti fshat, si të dyshuar për kryerjen e sulmit.
Emrat e tyre RTV Dukagjini mëson se imami Zeqir Berisha, i kishte denoncuar edhe më herët.
Këtë e kishte konfimuar dhe Kryeimami në Komunën e Podujevës, Bekim Jashari./RTVD/Telegrafi.
Lufta Prigozhin - Putin
Më shumëGazetari britanik tregon nëse mund të ketë luftë në Kosovë dhe Bosnjë
Cvijanoviq: Qëndrimi i Bosnjës e Hercegovinës për anëtarësimin e Kosovës në Këshillin e Evropës duhet të jetë neutral
U tregua e ashpër ndaj Vuçiqit në Këshill të Sigurimit - reagime të shumta në mbështetje të përfaqësues së Maltës
Kurti pas telefonatës me Macron: Besojmë që Franca ta mbështesë Kosovën në KiE pa parakushte
Rrëfimi i Vasfije Krasniqit: Çdo ditë e kujtoj tmerrin që më ndodhi nga forcat serbe
Goditi 42 herë me thikë ish-të dashurën në Vjenë, gjykata e dënon me 15 vjet burgim shqiptarin nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
A u vodh Barcelona në El Clasico? Cafu deklarohet shkurt dhe qartë
Dëshmitarja që pa vrasjen e gazetares britanike në vitin 1999, pretendon se pas këtij akti qëndron serbi i njohur si Legia
"Ish-gjyqtari më i pasur në botë", është pronari i dy super bizneseve dhe ka pasuri neto më shumë se Mike Tyson
Gazetari britanik tregon nëse mund të ketë luftë në Kosovë dhe Bosnjë
Publikohet biseda e gjyqtarit me dhomën e VAR-it për golin ‘fantazmë’ të Lamine Yamal
"O Bes Kallaku", reagimi epik i Xhensilës kur fansat i përmendin ish-partnerin në koncert