LAJMI I FUNDIT:

Humolli pritet ta braktisë LVV-në, paralajmëron grup të ri parlamentar

Humolli pritet ta braktisë LVV-në, paralajmëron grup të ri parlamentar

Lëvizja Vetëvendosje ka mohuar pretendimet e LDK-së se ka indikacione për rënien e Qeverisë Kurti gjatë vjeshtës së vonë. Partia në pushtet e ka quajtur të pavërtetë edhe deklaratën eArben Gashit se 8 deputetë të saj janë të interesuar t’i bashkohen LDK-së. Por, një deputet i LVV-së e ka paralajmëruar braktisjen e këtij subjekti politik dhe krijimin e një grupi të ri parlamentar, nëse miratohet Projektligji për pagën minimale dhe në të nuk përfshihen e veteranët e luftës.

Qeverisë më të fuqishme që ka pasur Kosova, asaj të udhëhequr nga Albin Kurti, pritet t’i shkunden themelet në vjeshtë.

Ky ka qenë pretendimi që kryetari i Grupit Parlamentar të LDK-së, Arben Gashi bëri të mërkurën në “Debat Plus”, derisa foli rreth mundësisë për prishjen e koalicionit qeverisës.

Sipas Gashit, janë tetë deputetë të Lëvizjes Vetëvendosje që kanë shprehur interesim t’i bashkohen grupit parlamentar të LDK-së.

Por të gjitha këto pretendime të Gashit i ka mohuar shefja e deputetëve të Vetëvendosjes, Mimoza Kusari – Lila.

Ajo i ka vlerësuar deklaratat si të pavërteta dhe spekulative.

Gashi: Në vjeshtë mund të bie Qeveria, 8 deputetë të koalicionit qeverisës pritet të kalojnë në LDK
Lexo po ashtu Gashi: Në vjeshtë mund të bie Qeveria, 8 deputetë të koalicionit qeverisës pritet të kalojnë në LDK

“Fare nuk besoj se qëndrojnë këto pretendime për arsye se nuk ka pasur as indikacione apo shprehje të vullnetit për të kaluar apo pakënaqësi për brenda grupit. Situata është normale në grup, me një frymë komunikimi dhe bashkëpunimi, prandaj për më tutje, për kë ka menduar besoj që Gashi duhet të flas”, ka thënë Mimoza Kusari-Lila.

Shefja e deputetëve të LVV-së, Kusari-Lila ka mohuar të ketë krisje raportesh me edhe me partnerin qeverisës, listën Guxo.

Megjithatë, muajve të fundit ka pasur mospajtime e përplasje publike për disa tema brenda grupit parlamentar të VV-së.

Deputeti Fatmir Humolli, ish-ushtar i UÇK-së ka kundërshtuar vendimin e grupit të tij për të miratuar në parim projektligjin i cili përjashton veteranët nga rritja e pagës minimale.

Nëse veteranët përjashtohen përfundimisht nga kjo rritje, Humolli në një deklarim për RTV Dukagjini ka paralajmëruar braktisjen e Vetëvendosjes dhe krijimin e një grupi të ri parlamentar.

“Çështja e veteranëve është në proces. Nuk do të jem pjesë e grupit (v.j. nëse veteranët përjashtohen nga rritja e pagës minimale). Do të jem deputet i pavarur, ashtu siç kam qenë në listën e VV-së si i pavarur dhe nuk i bashkohem asnjë grupi politik. Do të shohim mundësinë për të bërë një grup tonin parlamentar”, ka thënë Humolli.

Në deklarimin me shkrim për televizionin, Humolli nuk ka pranuar të tregojë se kush tjetër do të mund t’i bashkohej këtij grupi të ri, duke thënë se kjo do të merret vesh ndërkohë.

Megjithatë, Humolli thotë se Qeveria do ta ketë përkrahjen e tij për çështjet që i konsideron të drejta.

Arben Gashi tha se Qeveria bie në vjeshtë, reagon Gjyshinca i LVV-së: Është pjesë e shkollës politike të Isa Mustafës, Qeveria është stabile
Lexo po ashtu Arben Gashi tha se Qeveria bie në vjeshtë, reagon Gjyshinca i LVV-së: Është pjesë e shkollës politike të Isa Mustafës, Qeveria është stabile

Pakënaqësi brenda VV-së ka nxitur edhe Kodi Civil i cili lejon martesat mes gjinisë së njëjtë, kundër të cilit kanë votuar 14 deputetë të këtij grupi parlamentar.

Në mesin e tyre është edhe deputeti nga lista “Guxo”, Burim Meta. Ai mohon të jetë një nga deputetët që mund t’i bashkohen LDK-së.

“Gashi ia ka ‘ut’! Aktualisht s’ka lidhje me të vërtetën dhe çështjet pa lidhje, unë nuk i komentoj”, ka thënë Meta.

Qeveria Kurti ka mandat për të qeverisur me vendin deri në vitin 2025. /Dukagjini/

Në trend Lajme

Më shumë
PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

PDK voton kryesinë e re të partisë - pësojnë ndryshime në pozita disa prej figurave të njohura të kësaj partie

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Pakënaqësi me Ligjin e pagave, Jasharaj paralajmëron protestë më 1 maj - nuk e përjashton mundësinë e grevës

Elfije Boletini
Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Bedri Hamza i emëruari i PDK-së për kryeministër – kush mund të jenë kandidatët tjerë të partive politike?

Jehona Hulaj
Pamje nga të shtënat ku nisi konflikti në Prishtinë, ku humbën jetën dy persona

Pamje nga të shtënat ku nisi konflikti në Prishtinë, ku humbën jetën dy persona

Kronika e Zezë
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori