Kurrë një burrë në Argjentinë humbi vetëdijen në metronë e Buenos Airesit, si rezultat i rrëzimit në tokë ka goditur një pasagjere që nga fuqia e madhe e përplasjes ka përfunduar në binarë të trenit, që po i afrohej platformës.

Edhe ajo gjithashtu mbeti pa vetëdije nga goditja e fuqishme, kurse pasagjerët e tjerë që po prisnin, u detyruan t’ia bëjnë me dije shoferit të trenit që po afrohej që të ndalet dhe të eviton më të keqen, transmeton Telegrafi.

Për fat të mirë shoferi u tregua i shkathët dhe arriti ta ndalë trenin pak metra para se t’i afrohej gruas së shtrirë në binarë, që kishte humbur vetëdijen nga rrëzimi.

Aty menjëherë u shfaq edhe ndihma e shpejtë dhe policia, që me urgjencë dërguan në spital gruan që përfundoi në binarë dhe burrin që humbi vetëdijen. /Telegrafi/