Ish-ministri i jashtëm i Kosovës, Enver Hoxhaj, aktualisht nënkryetar i Kuvendit, ka takuar emisarin e Mbretërisë së Bashkuar për Ballkanin Perëndimor Sir Stuart Peach dhe ambasadorin Nicholas Abbott.

Përmes një shkrimi në rrjetin social Facebook, këtë takim e ka cilësuar të shkëlqyeshëm.

Tutje, Hoxhaj tha se është e rëndësishme mbështetja britanike për Kosovën në rrafshin ndërkombëtar, dialogun mes Kosovës dhe Serbisë.

Po ashtu ripëresriti qëndrimin se dialogu duhet të rezultojë me njohje të ndërsjellë.

“Takim i shkëlqyeshëm me Emisarin e Mbretërisë së Bashkuar për Ballkanin Perëndimor, Sir Stuart Peach dhe me ambasadorin Nicholas Abbott. E rëndësishme mbështetja britanike për Kosovën në rrafshin ndërkombëtar, dialogun mes Kosovës dhe Serbisë nga i cili duhet të rezultojë njohja e ndërsjellë dhe për të përballuar kërcënimet e akterëve joperëndimor në Ballkan”, tha Hoxhaj./Telegrafi/