Hoxha: Kryetarët e komunave të veriut duhet të japin dorëheqje

Analisti politik, Ylli Hoxha, ka deklaruar se kryetarët e katër komunave veriore, që janë zgjedhur së fundmi duhet të japin dorëheqje, për t’i hapur mundësi për një zgjidhje politike.

Hoxha u shpreh se Kosova nuk duhet të tentoj ta dominoj pakicën serbe në veri, teksa tha se zgjidhja duhet të adresohet në kuadër të Marrëveshjes së Ohrit.

“Mendoj që çfarëdo tendence me kapitalizu këto rezultate, me thënë po i bëjmë disa institucione atje, mendoj që është joserizoitet, nuk do duhej Kosova të aspiroj dominimin pakicës mbi shumicën… Duhet t’i instalojmë këta kryetar si institucion formal, sa mos me u ba horë, të kryhen operacionet e përditshme , këta kryetar të ofrojnë dorëheqje, të largohen gradualisht për t’i hapë mundësi zgjidhjes politike që do vinte me Ohrin”, ka thënë ai.

Ai tha se kryeministri Albin Kurti, dhe ndërkombëtarët kanë treguar paaftësi të parashikojnë një ngjarje sic është ajo e bojkotit të zgjedhjeve nga serbët.

“Absolutisht, kryeministri Kurti, ndërmjetësit ndërkombëtarë, kanë treguar paaftësi të parashikimit të një ngjarje e cila është esenciale për paqen, atë që kanë tentuar ta rrinë në Ohër. Marrëveshja e Ohrit, e cila do duhej të zgjidhte problemin e madh Kosovë – Serbi, nuk e adreson problemin fundamental të mospjesëmarrjes në zgjedhje të serbëve, kjo ka qenë e paralajmëruar”, ka thënë ai./RTV Dukagjini/