Hoti thotë se po krijohen kushtet për zbatim të plotë të Pakos për rimëkëmbje ekonomike, lut deputetët ta votojnë Projektligjin

Kryeministri i vendit, Avdullah Hoti ka thënë se sot se po krijohen kushtet për zbatim të plotë të Pakos për rimëkëmbje ekonomike.

Hoti në një postim në rrjetin social Facebook shkruan se sot në Komisionin për Buxhet dhe Financa, është miratuar dhe përcjell për seancë Projektligji për rimëkëmbje ekonomike.

Lexoni të plotë postimin e kryeministrit:

“Sot, në Komisionit për Buxhet dhe Financa, është miratuar dhe përcjell për seancë projektligji për rimëkëmbje ekonomike. I falënderoj të gjithë anëtarët e Komisionit për mbështetje. I lus të gjithë deputetët që të mbështesin këtë projektligj në seancë, në mënyrë që të miratohet para se Kuvendi të shkojë në pushim veror.

Programi për rimëkëmbje ekonomike financohet nga tre burime: (1) mjetet nga buxheti i rregullt, (2) marrëveshjet ndërkombëtare dhe (3) ligji për rimëkëmbje ekonomike. Dy të parat tanimë janë miratuar, për të cilën gjë jam falënderues ndaj të gjithë deputetëve.

Me buxhetin e vitit 2021, do të zhvillohen masa të tjera dhe do të vazhdojnë disa nga masat ekzistuese, si dhe do të identifikohen instrumente financiare shtesë për të mbështetur rimëkëmbjen ekonomike.

Jemi në rrugë të mbarë për të mobilizuar shumën prej 1.2 miliardë euro për rimëkëmbje ekonomike”. /Telegrafi/