LAJMI I FUNDIT:

Hoti paralajmëron padi për ata që bën lajmin e rremë për fatin e babait të tij, flet edhe për hapjen e arkivave

Hoti paralajmëron padi për ata që bën lajmin e rremë për fatin e babait të tij, flet edhe për hapjen e arkivave

Një lajm i rremë për kinse gjetjen e eshtrave të Ukshin Hotit, e ka shqetësuar dhe ia ka rihapur plagët e dhimbjes familjes së veprimtarit të zhdukur tash e 22 vjet më parë, gjatë luftës në Kosovë.

Djali i Ukshinit, Andin Hoti në intervistë për Telegrafin ka thënë se do ta padisë portalin që ka publikuar lajme të rreme në lidhje me babain e tij, teksa theksoi se halla e tij që nga dita që e ka parë lajmin është në gjendje jo të mirë shëndetësore.

“Ka qenë të hënën një raportim, po e theksoj i rrejshëm. Është bërë prej një gazetare dhe një portali, për të cilën kam menduar se është një keqkuptim, pasi është lidhur me rastin e Kizhevakut. Aty shkruhej se janë gjashtë trupa të masakrës së Rezallës, e një prej tyre është Ukshin Hoti, që nuk kish të bëj asgjë Ukshin Hoti me këtë rast”, tha Andin Hoti.

Ai tha se nga dita që halla e tij e ka parë lajmin, është në gjendje jo të mirë shëndetësore.

“Fatkeqësisht gazetarja më ka thirr ne telefon. E, përveç shqetësimit përmes shkrimit e portalit, që si pasojë e këtij halla ime është ende sëmurë, tash e një javë ditë, në vend të kërkim faljes, ajo më tha: ‘Ti po gënjen, se kjo është 100% e sigurt”. Do të thotë mua, djalit të Ukshin Hotit, që jam kryetar i delegacionit dhe komisionit më ofendoi e më shqetësoi dyfish, se më tha që po rrej, kinse ajo po e dika që lajmi është 100% i vërtetë”, tregon Hoti.

Kryesuesi i Komisionit Qeveritar për Persona të Zhdukur tha se do ta padisë portalin dhe gazetaren që ka publikuar atë lajm.

Kryesuesi i Komisionit Qeveritar për Personat e Zhdukur, Andin Hoti / Foto: Ridvan Slivova

“Unë natyrisht po e ngre padinë ndaj saj e portalit, sepse mendoj se jo vetëm unë, por asnjë familjar në Kosovë nuk do të duhej të cenohej e lëndohej në këtë formë. Duhet të ketë kujdes të shtuar e të dyfishtë kur bëhet fjalë për familjarët e personave të zhdukur”, u shpreh ai.

Andin Hoti tha se prej se është në krye të Komisionit Qeveritar për Personat e Zhdukur është bërë cak i sulmeve.

“Natyrisht që nuk ka asgjë të vërtetë në atë lajm. Nuk e di pse po ndodh, por po ndodh vazhdimisht, sidomos prej se jam kryetar i Komisionit e kanë bërë standard të më sulmojnë. Ajo që dihet është se statusi i Ukshin Hotit nuk dihet, cilësohet si i zhdukur”, thekson Hoti.

Ai theksoi se, “Ku është e çka ka ndodhur me fatin e tij nuk dihet, dhe mendoj se këtë e dinë Beogradi zyrtar, të cilët nuk po japin informacion. Nuk ka asnjë informacion, as zyrtar e as jo-zyrtarë, sepse unë më shumë dëshirë do ta publikoja”, tha ai.

Mundësia që dokumentet që dalin nga Serbia, qoftë edhe nga arkivat shtetërore serbe, siç thotë Hoti janë të mëdha.

Kryesuesi i Komisionit Qeveritar për Personat e Zhdukur, Andin Hoti / Foto: Ridvan Slivova

Ai u shpreh se një gjë e tillë ka ndodhur më herët, teksa tha se kjo nuk është shpresa e vetme për zbardhjen e fatit të të zhdukurve gjatë luftës së fundit në Kosovë.

“Ka ndodh një gjë e tillë, ajo çka ne kemi kërkuar e unë shpresoj, është se kjo është njëra ndër rrugët e pakta që na çon tek informacioni, nuk them që është e vetmja. Nuk po them që nëse Serbia na i dërgon rastësisht arkivat e ushtrisë ne nuk kemi tjera rrugë për të zbardhë të vërtetën, natyrisht nuk kanë ndodhur krime vetëm prej ushtrisë e policisë, e dimë që ka pasur edhe grupe tjera kriminale por edhe ato në komandë të shtetit të Serbisë”, tha ai.

Tutje, Hoti thotë se të gjitha dokumentet që dalin nga arkivat e ushtrisë serbe, do të verifikohen nga organet tona hetuese.

“Ne i kemi kërkuar arkivat e ushtrisë së Serbisë, të cilat janë të klasifikuara, Serbia ato me ligj i ka të klasifikuara, dhe që mendojmë që do të na ndihmonim shumë në identifikimin e gjetjen e fatit të personave të zhdukur. Por kjo nuk do të thotë që ne i besojmë kësaj, ose që është rruga e vetme, por mendoj se na asistojnë, edhe nëse janë të falsifikuara, janë organet tona që i verifikojnë”, tha Hoti. /Telegrafi/

Në trend Lajme

Më shumë
Pse Mali i Zi votoi kundër Kosovës në KiE, flet Dritan Abazoviq

Pse Mali i Zi votoi kundër Kosovës në KiE, flet Dritan Abazoviq

Lajme
Lajçak me post të ri nga shtatori

Lajçak me post të ri nga shtatori

Lajme
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Dyshohet se ishte duke u përgatitur për ta kryer një vrasje, arrestohet i dyshuari në Pejë

Dyshohet se ishte duke u përgatitur për ta kryer një vrasje, arrestohet i dyshuari në Pejë

Kronika e Zezë
Aktivitete nga Serbia për sulm “hibrid” ndaj Kosovës,

Aktivitete nga Serbia për sulm “hibrid” ndaj Kosovës, "Octopus": Urgjentisht të koordinohen veprimet me ndërkombëtarët

Siguri
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Kalo në kategori