Aktin e shëmtuar dhe vandal e dënoi edhe Ministria e kulturës, duke shprehur bindje se autorët së shpejti do të dalin para drejtësisë.
Shoqata e Historianëve Shqiptarë në Maqedoni, e ka cilësuar aktin si vepër të rëndë pasi ndodh pikërisht në ditën kur shënohet festa e arsimit sllav, ndërsa dëmtohen objekte të shenjta të arsimit të një populli me gjuhë tjetër, raporton Alsat-M. Ata madje kërkojnë nga Tirana dhe Prishtina zyrtare, që të vihen në mbrojtje të trashëgimisë kulturore e historike të shqiptarëve, kudo që ato ndodhen. /Telegrafi/
