TikTok-u është një vend i shkëlqyeshëm për të mësuar aftësi të reja, pavarësisht nëse është diçka rreth pastrimit ose bukurisë.

Kur bëhet fjalë për gjëra të bëra vet, aplikacioni ka një mori informacionesh. Problemi i vetëm është se disa prej tyre janë shumë të dobishme, ndërsa disa janë krejt e kundërta.

Përdorimi i kimikateve të caktuara ose marrja e detyrave ku nuk keni pajisjet e duhura mund të jetë një lojë e rrezikshme.

Kemi përdorur hapëset e kanaçeve gabimisht gjatë gjithë kohës – kjo është një mënyrë më e lehtë dhe më e sigurt Kemi përdorur hapëset e kanaçeve gabimisht gjatë gjithë kohës – kjo është një mënyrë më e lehtë dhe më e sigurt

Ekspertët e shtëpisë në MattressNextDay kanë zbuluar besueshmërinë e hileve të TikTok, duke sjell një listë me tri prej atyre që duhet të shmangni.

Pikturimi i pllakave të dyshemesë

Pikturimi i pllakave është një mënyrë e famshme për të dekoruar pa pasur nevojë për shpenzime shtesë. Sidoqoftë, mund të jetë e rrezikshme.

Ndërsa pllakat e pikturuara të dyshemesë mund të duken bukur, boja shpesh nuk është mjaft e qëndrueshme për të përballuar konsumimin natyral të ecjes.

Ja pse duhet të vendosni limon në pjatalarësen tuaj Ja pse duhet të vendosni limon në pjatalarësen tuaj

Kjo do ta bëjë atë copë -copë, dhe shumë jo-estetike. Ka të ngjarë që do të duhet të zëvendësoni të gjithë dyshemenë.

Përzierja e produkteve të pastrimit

Një problem me hilet e TikTok-ut është pamundësia për të verifikuar nëse ajo që personi thotë është e vërtetë. Gjëja që nuk duhet të bëni kurrë, pavarësisht se sa e besueshme është përmbajtja, është përzierja e kimikateve së bashku.

Kjo mund të sigurojë një produkt pastrimi më të fortë, por gjithashtu mund të shkaktojë djegie kimike dhe sëmundje nëse thithet. Disa kombinime madje mund të jenë fatale.

Kjo hile e thjeshtë do të siguroj që enët tuaja të dalin nga pjatalarësja të thara plotësisht çdo herë Kjo hile e thjeshtë do të siguroj që enët tuaja të dalin nga pjatalarësja të thara plotësisht çdo herë

Hidhini një sy kimikateve që nuk duhet të përzihen kurrë:

  • Zbardhues + uthull = gaz klor (shkakton kollitje, probleme me frymëmarrjen dhe djegie të syve),

  • Zbardhues + amoniak = kloraminë (shkakton kollitje, probleme me frymëmarrjen dhe djegie të syve),

  • Zbardhues + alkool fërkues = kloroform (gulçim, acarim i hundës dhe fytit. Inhalimi akut mund të shkaktojë nauze, të vjella, marramendje dhe përgjumje).

Pikturimi i tavolinave të punës

Kuzhinat e reja mund të jenë të shtrenjta, kështu që mund të keni parë krijues të përmbajtjes që flasin për pikturimin e tyre në vend që të zëvendësohen. Sidoqoftë, përdorimi i bojës aty ku përgatitet ushqimi – dhe aty ku ka ujë – mund të krijojë një strehë për bakteret. Goditjet e vogla do të shkaktojnë vende në të cilat bakteret mund të futen, pikërisht aty ku po përgatitni ushqimin.  /Telegrafi/