Higuain rikthehet ndaj Tottenahamit, Mandzukic në dyshim?

Gonzalo Higuain pritet të jetë në skuadrën e Juventusit për udhëtimin e tyre në Tottenham Hotspur, por Mario Mandzukic mbetet në dyshim.

Ndeshja e parë e raundit të 1/16-tës së Ligës së Kampionëve përfundoi në Torino me rezultat 2-2, kështu që Bianconerët duhet të fitojnë në Wembley të mërkurën mbrëma ose të kenë një barazim 3-3 ose më lart.

Paulo Dybala sigurisht kthehet pas dy muajsh nga një dëmtim i rëndë, pasi ai luajti 90 minuta kundër Lazios të shtunën në mbrëmje dhe shënoi golin fitues të këtij takimi.

Lexo po ashtu Remi në Torino, Juve shënon dy gola - por aq i realizon edhe Tottenhami

Higuain nuk ka marrë pjesë në atë ndeshje për shkak të shtrembërimit të kyçit të këmbës, por ai ka kaluar nëpër seancën e plotë të trajnimit të sotëm (e hënë) me shokët e tjerë të skuadrës.

Prandaj është e mundshme që El Pipita të jetë së paku në skuadrën që udhëton për në Londër, edhe nëse ai nuk mund të fillojë domosdoshmërisht si titullar.

Mandzukic është trajnuar veçmas nga pjesa tjetër e ekipit sot dhe është një dyshim i vërtetë për ndeshjen e madhe të Ligës së Kampionëve.

Lexo po ashtu Juventusi fitoi derbin ndaj Torinos, por humbi Higuainin dhe Barnardeschin shkaku i lëndimeve

Mattia De Sciglio është gjithashtu duke luftuar për rikthim, kështu që do të zëvendësohet nga Stephan Lichtsteiner ose Andrea Barzagli në anën e djathtë të mbrojtjes, ndërsa  Federico Bernardeschi dhe Juan Cuadrado janë mungesa afatgjata.

Nëse Higuain dhe Mandzukic nuk janë gati të fillojnë, atëherë Juventusi pritet të përdorë një formacion 4-3-3 kundër Tottenhamit me Douglas Costa dhe Alex Sandro në krahët e  sulmin, pranë Dybalas si ‘9-sh’ fals. /Telegrafi/