Nënkryetari i Lidhjes Demokratike të Kosovës (LDK), Lutfi Haziri, në një intervistë në emisionin “Përballje” në Telegrafi.com me kryeredaktorin Muhamet Hajrullahu, e ka quajtur të vonshëm takimin e djeshëm me kryeministrin Albin Kurti, i cili ftoi liderët opozitarë për t’i informuar lidhur me dialogun me Serbinë.
Ky takim u mbajt gati dy javë pas përfundimit të atij që Kurti zhvilloi me presidentin e Serbisë, Aleksandar Vuçiq në Bruksel, me ndërmjetësimin e Bashkimit Evropian.
E sipas Hazirit, vonesa e kreut të ekzekutivit në informimin e opozitës për këtë takim dëshmon një problem evident në Kosovë – “politika nuk zhvillon dialog të brendshëm, as me opozitën e as shoqërinë civile”.
“Qytetarët dhe Kuvendi i Kosovës janë të painformuar për procesin e dialogut me Serbinë. Por, më mirë vonë se kurrë. Ne u ftuam në atë takim dhe shkuam pasi dialogu është një proces shumë i rëndësishëm për vendin. Është një proces shumë i rëndë”, u shpreh ai.
Haziri komentoi edhe deklaratat e kreut të LDK-së, Lumir Abdixhikut, dhënë para mediave dje se për takimin në Bruksel mes Kurtit e Vuçiqit kanë marrë më shumë informacione nga ndërmjetësuesit evropianë.
Ai u shpreh se “kemi marrë informacione për atë takim nga kryeministri Kurti aq sa ai e ka parë të arsyeshme të ndajë me ne”.
Në këtë intervistë, nënkryetari i LDK-së po ashtu akuzoi Qeverinë e Kosovës për “fshehje të dështimeve të saj prapa negociatave me Serbinë”, ndërsa kryeministrin për ndryshim të qëndrimeve nga opozitar kundërshtues në pushtetar pranues dhe bashkëpunues me Serbinë.
“Unë nuk besoj në finalen e madhe të problemit me Serbinë. Tash e 10 vjet kam thënë se shkojmë drejt një zgjidhje të një procesi që do t’i normalizojë raportet për një periudhë”, deklaroi mes tjerash Haziri.
“Negociatat me Serbinë është problemi prapa të cilit po fshehët Qeveria Kurti. Krejt dështimet dhe vonesat në politikën e brendshme po fshehën prapa dialogut. Kryeministri opozitar ka qenë protestues, kundërshtues, rezistues e mosbesues, ndërsa tani është bashkëpunues, negociator dhe pranues”.
Takim të vonshëm atë të thirrur nga shefi i qeverisë e quajti dje edhe kryetari i LDK-së, Lumir Abdixhiku.
Pasi përfundoi takimi, ai në një deklarim para mediave tha se ato që ua tregoi kryeministri Kurti, i kanë dëgjuar paraprakisht nga ndërmjetësuesi ndërkombëtar.
“Konsideruam që kjo ftesë është e vonshme pasi vjen dy javë pas takimit në Bruksel. Në ndërkohë, partitë opozitare janë informuar në detaje nga ndërmjetësuesi ndërkombëtar në masë më të thellë se sa që nga informoi sot kryeministri Kurti. Ai bëri sot një prezantim të gjashtë pikave të cilat tashmë janë të njohura për publikun”, deklaroi i pari i LDK-së.
Ai tutje shprehu qëndrimin e LDK-së lidhur me dialogun, duke thënë se kryeministri Kurti duhet të tregohet i guximshëm dhe të shkojë në dialog për të kërkuar marrëveshje finale me njohjen reciproke në thelb të saj.
“Ne besojmë që dialogimi i copëzuar është në interes vetëm të Serbisë. Prandaj, sa më shumë që Kosova merret me marrëveshje teknike, ushqehen interesat e Serbisë. I kërkojmë kryeministrit që të jetë i guximshëm dhe të shkojë në dialog për të kërkuar marrëveshje finale me njohje reciproke ne thelb të saj, me respektim të Kushtetutës dhe respektim të integritetit territorial në thelb të saj. Është në dorë të kryeministrit që të bëjë këtë që është obligim i tij”, deklaroi Abdixhiku.
Po ashtu, tha se Kurtit i kanë kërkuar që të raportojë në Kuvend të Kosovës para se të shkojë në dialog dhe pasi që të kthehet.
“Dhe ai u pajtua për këtë. Përtej kësaj, presim që procesi i dialogut të marrë hapa të rinj zhvillimor dhe të sigurojë njohje sa më parë”, theksoi Abdixhiku, duke shtuar se kjo duhet të bëhet në rrugëtim të ngushtë me Shtetet e Bashkuara të Amerikës, pasi sipas tij duhet shfrytëzuar momentumi politik me administratën e presidentit Joe Biden. /Telegrafi/
Promo
Reklamo këtuLufta Prigozhin - Putin
Më shumëNga Rubrika
“E ardhmja në të kaluarën: Kujtime të Kosovës” – miku i shqiptarëve John Hodgson promovon librin ku shpalos ngjarjet politike të viteve ’80-ta
Në institucionet e arsimit të lartë në Maqedoni punojnë 4.656 mësues dhe bashkëpunëtorë
Përdhunuan 31-vjeçarin me probleme mendore, gjykata merr vendim për dy të arrestuarit
Kurti ironizon me ushtrimet e ushtrisë serbe: Paraqesin ndotje të ajrit e tokës
Kurti përmendi Thaçin në 11 vjetorin e marrëveshjeve në Bruksel, reagon Çitaku: E di që po të mungon, duro dhe pak - dielli do të lind përsëri
SHBA-ja synon ta "fortifikojë" Ballkanin Perëndimor
Osmani: Do ta njoftojë qeverinë për sulmin në Banjskë, pastaj do të vendoset për Ballkanin e Hapur
Maqedonci ngre alarmin: Tensionet vazhdojnë, Serbia të mërkurën do të testojë dronë kamikazë në kufi me Kosovën
Marrëveshja mes Kosovës e Serbisë, Kurti: Në këtë 11-vjetor shteti serb në Peshter të Sanxhakut do të lansojë ushtrime me dronë luftarakë kamikazë
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Çfarë janë retë artificiale dhe a shkaktuan përmbytjet e mëdha në Dubai?
Gazeta ukrainase: Pse vendimi i Asamblesë Parlamentare të Këshillit të Evropës për Kosovën është humbje historike për Serbinë
“Vetëm një skuadër në Evropë është më e mirë se Bayern Munich” – legjenda e bavarezëve flet për Tuchel dhe ecurinë e klubit
Parandalohet vrasja e Volodymyr Zelenskyt - arrestohet shtetasi polak që bashkëpunonte me rusët
Zyrtare: Serie A do të ketë pesë skuadra në Ligën e Kampionëve për sezonin 2024/25
Policia serbe e dërgon në paraburgim mërgimtarin nga Gjakova që e arrestoi në kufi