Presidenti i Kosovës, Hashim Thaçi ka reaguar me anë të rrjeteve sociale duke komentuar parakalimin e ekipit olimpik të Kosovës në ceremoninë hapëse të LOD PyeongChang 2018.

Ceremonia hapëse e Lojërave Olimpike Dimërore ka filluar nga ora 12:00, ku të gjitha shtetet një nga një kanë kryer defilimin e tyre.

Ekipi olimpik i Kosovës ishte i 71-ti me radhë dhe koha e tij erdhi rreth orës 13:10, aty ku parakaloi me pesë persona, me në krye bajraktarin Albin Tahiri.

Kosova bën parakalimin historik në ceremoninë hapëse të LOD PyeongChang 2018 Kosova bën parakalimin historik në ceremoninë hapëse të LOD PyeongChang 2018

Ky parakalim i Kosovës, sipas Presidentit Thaçi ishte madhështor dhe historik, teksa e ka cilësuar edhe si dhuratën më të mirë për 10-vjetorin e pavarësisë së Kosovës.

Ekipi olimpik i Kosovës me në krye skitarin Albin Tahiri (Getty Images)

“Parakalim madhështor i ekipit olimpik me Flamurin e Kosovës në Pyeongchang të Koresë së Jugut, para miliona teleshikuesve nga mbarë bota”.

“Kjo është hera e parë në historinë e shtetit tonë, që përfaqësohemi në Lojërat Olimpike Dimërore”.

“Është dhurata më e mirë për dhjetëvjetorin e pavarësisë së Kosovës, bashkë me medaljen e artë të Majlinda Kelmendit, dy vjet më parë në Olimpiadën e Rios. HTH”, ka shkruar Hashim Thaçi në profilin e tij zyrtar në Facebook.

Ekipi i Kosovës dhe Shqipërisë së bashku para parakalimin historik në ceremoninë hapëse të LOD PyeongChang 2018 Ekipi i Kosovës dhe Shqipërisë së bashku para parakalimin historik në ceremoninë hapëse të LOD PyeongChang 2018

Ndryshe, Kosova do të përfaqësohet me garuesin e vetëm, skiatorin Albin Tahiri.

28-vjeçari ka fituar normën olimpike në pesë disiplina të skijimit alpik.

Tahiri do të garojë në sllallom, sllallom të madh, super sllallom të madh, lëshim të shpejtë dhe kombinim alpik. /Telegrafi/