Hasën në balenën e ngordhur dhe u ndryshoi jeta brenda natës, gjetën të vjellat në trupin e saj që u solli miliona euro

Afro 35 peshkatarë nga Jemeni janë nxjerr nga varfëria pasi kanë gjetur brenda një balene të ngordhur të vjellat e saj, që besoni apo jo vlen 1.2 milion euro.

Grupi i peshkatarëve në shkurt hasën në balenën e ngordhur në Gjirin e Adenit. Një burrë mendoi se balena do të mund të përmbante materien e njohur si ambergris që përdoret për prodhimin e parfumeve, dhe që shitet për rreth 35.000 euro për kilogram, transmeton Telegrafi.

Peshkatarët morën balenën dhe e hapën për ta parë nëse ambergris gjendej në trupin e tij. Ata gjetën të vjellat që peshon rreth 127 kilogramë nga e cila në fund fituan mbi një milion euro.

“Sapo i jemi afruar kemi ndjerë një erë dhe kemi pasur përshtypjen që brenda gjendet diçka. Dhe kishim të drejtë. Era ka qenë e rëndë, por na ka sjell mjaft para”, ka thënë për BBC njëri prej peshkatarëve.

Ambergris pas përpunimit merr një erë të mirë që përdoret shpesh në industrinë e prodhimit të produkteve të bukurisë. E grupi i peshkatarëve milionat e fituar i kanë ndarë mes vete, e një shumë të caktuar ua dhanë bashkëfshatarëve që kishin nevojë urgjente për ndihmë.

Tani ata janë në gjendje të fillojnë një jetë të re, të blenë shtëpi dhe të martohen. 30 milionë rijal të Jemenit (rreth 85.00 euro), janë të mjaftueshme për ndërtimin e shtëpisë dhe një ceremoni modeste martesore. /Telegrafi/