Harry Styles ka kaluar në rolin e Princit Eric në “Little Mermaid”, disa burime konfirmuan për Variety.

Ai pati një rol të vogël në Dunkirk, duke luajtur Alex, kështu që Prince Eric do të jetë roli i tij i parë i madh filmik.

Halle Bailey do të portretizojë Arielin, një princeshë sirenë që ëndërron të jetë një njeri, ndërsa Melissa McCarthy është duke luajtur tezën e saj të keqe, Ursula.

“The Little Mermaid” do të drejtohet nga Rob Marshall dhe do të shkruhet nga David Magee. Filmi i ardhshëm do të përfshijë këngë origjinale nga klasikja e animuar e vitit 1989, si dhe melodi të reja nga kompozitori origjinal Alan Menken me tekste nga krijuesi “Hamilton” Lin-Manuel Miranda.

Miranda gjithashtu është duke e prodhuar filmin së bashku me Marshall, Marc Platt dhe John DeLuca.

Origjinali i këtij filmi ishte një hit kur debutoi 30 vjet më parë dhe u vlerësua për ndezjen e një rilindjeje të animacionit të Disney.

Historia, për një sirenë që bie në dashuri me një njeri të quajtur Eric, prezantoi audiencën me meloditë klasike si “Under the Sea”, “Part of Your World” dhe “Kiss the Girl”. /Telegrafi/

Harry Styles (Foto: Dimitrios Kambouris/Getty Images for The Met Museum/Vogue)