Diarreja zgjat zakonisht më shumë se tri ditë dhe trajtohet me ushqimin e caktuar dhe me barna pa receta

Janë të njohura edhe diarreja akute edhe ajo kronike. Diarreja akute zgjat disa ditë, ndërkaq ajo kronike 3 javë, transmeton Telegrafi.

Simptomat e diarresë

Simptomat ndahen në të lehta dhe të vështira. Simptomat të diarresë së lehtë janë: ngërçet dhe fryrjet, jashtëqitje e butë dhe e hollë, mundime dhe të vjella. Simptoma të diarresë së vështirë janë: gjak, mukozë dhe ushqimi i patretur në jashtëqitje.

Shkaktarët e diarresë

Infeksion bakterial pas helmimit me ushqim. Stresi, frika. Ushqimi që nuk i përshtatet tretjes. Alergji në ushqim. Sëmundje e sistemit tretës. Pijet alkoolike.

Në vazhdim do t’ju paraqesim disa ilaçe për diarrenë afatshkurtër, përkatësisht diarrenë akute.

Ilaçi i efektshëm natyral kundër diarresë

Përzieni 3 lugë të vogla kafe të bluar me dy lugë lëng limoni dhe të gjitha përzieni me lugë derisa të bëhet qull.

Hani tretjen të cilën e keni përgatitur. Shija nuk është e këndshme, mirëpo përballojeni pa kurrfarë shtesash të ëmbla, sepse ato mund të përkeqësojnë diarrenë.

Kundër diarresë do të ndihmojë edhe orizi i bardhë. Përdoret në luftën kundër problemeve të lukthit, sepse është lehtë e tretshme dhe nuk do të shkaktojë mundime por as irritime të lukthit.

Thjesht hani një grusht oriz të bardhë të zier, me pak kripë. Kur do të jeni sërish të uritur hani po atë sasi orizi. Porcionet patjetër duhet të jenë të vogla.

Banania do të ndihmojë në ndërprerjen e diarresë. Banania përmban sasi të mëdha pektine që është e preferuar te vështirësitë e lukthit.

Po ashtu, në banane gjejmë shumë kalium dhe elektrolite të cilat na janë të nevojshme në momentin kur i humbim në mënyrë të pakontrolluar tejmase me humbjen e lëngjeve. Për të ndërprerë diarrenë, thjesht gjatë ditës ngadalë hani një deri në dy banane të pjekura.

Boronicat e thata parandalojnë diarrenë, e më së miri është t’i kombinoni me probiotikët nga jogurti dhe prodhimet e ngjashme.

Shumë studime pohojnë se xhenxhefili ka efekt pozitiv në shërimin e mundimeve nga kimioterapia, por reagon edhe te diarreja.

Lëngu i mentës është i dobishëm kur ju mundon diarreja. Përzieni çajin me lëngun nga limoja dhe shtoni gjysmë lugë mjaltë. /Telegrafi/