Kryeministri i Kosovës, Ramush Haradinaj, është shprehur optimist se pas votimit të Parlamentin Evropian, vendimi për heqjen e vizave mund të ndodhë në qershor, por tha se nuk mund të japë një datë të saktë se kur mund të ndodhë një gjë e tillë.
Ai këto komente i bëri pas akademisë përkujtimore në nderim të masakrës së Lybeniqit, i pyetur nga mediat se kur do të ndodhë liberalizimi i vizave për qytetarët e Kosovës, pasi tash së fundi Parlamenti Evropian ka votuar sërish pro heqjes së tyre.
Kreu i Ekzekutivit tha se votimi i dytë që ka ndodhur në Parlamentin Evropian për vizat mund të përshpejtojë marrjen e vendimit për qershor, por nuk mund të garantojë se një gjë e tillë mund të ndodhë me siguri.
“Po punojmë që me ndodh, s’mund të garantojmë, edhe s’guxojmë me dhanë data se po na kritikojnë, edhe këtu, edhe më larg, po punojmë që të ndodhë, është e drejtë të ndodhë. Besoj që disa sinjale edhe ju po i hetoni, disa zhvillime më të mira, por nuk është punë e kryer. Duhet punuar me kujdes. Shumë ka qenë mirë që është votuar në parlament prapë të BE-së, se sikur të mos ishte votuar është dashur të pritet konstituimi i Parlamentit të ri. Do të thotë nuk humbim kohë. Vota e dytë që ka ndodhur në Parlament të BE-së është pikërisht për të mos humbur kohë. Me votën e dytë është mundësuar që edhe në qershor të merret vendimi”, ka thënë Haradinaj.
Ai ka bërë të ditur se edhe në takimin që ka pasur sot me zyrtarët gjermanë ka kërkuar që Berlini të marrë përsipër t’ua shpjegojë vendeve tjera të Evropës rëndësinë e heqjes së vizave për qytetarët e Kosovës, në mënyrë që më në fund t’i jepet fund izolimit të lirisë së lëvizjes.
“Me të drejtë e ka Igori, falënderoj edhe Tanjën dhe të gjithë që kanë bërë një punë të jashtëzakonshme. Sot kishim vizitorë të rëndësishëm prej Berlinit, mendoj që nuk jemi në drejtim të keq, por vetët ka shkuar shumë gjatë dhe meritojmë të drejtën të lëvizim lirshëm. Unë i kam siguruar çdo herë se as nuk shkojnë njerëz refugjatë, as nuk shkon krimi atje, por vetëm mundësia e lëvizjes së lirë. Kemi nevojë për një vend sponzorizues me mund këtë ta bëjë Berlini për t’i shpjeguar qeverive të tjera se ka ardhur koha”, theksoi ai.
Duke folur rreth çështjeve të pagjeturve, Haradinaj tha se do të ketë një përmirësim ligjor të statusit të kategorive të pagjeturve dhe martirëve.
“Është një skemë që i trajtoj si kategori me ligj, por është një ligj i mangët shumë, pasi nuk është bërë si duhet në atë kohë. Ne i kemi zgjidhur në mënyrën më të mirë çështjen e viktimave të dhunës seksuale, kategoritë e lirisë, familjet e dëshmorëve, luftëtarët, invalidët, edhe ato janë ligje më të avancuara. E vetmja kategori që ka mbetur janë të pagjeturit, por edhe martirët, pasi edhe kur gjendet i pagjeturi, atëherë familja kalon në kategori të martirit. Jemi duke e përgatitur ligjin dhe besoj që për dy-tri javë do ta kemi në qeveri, por s’po guxoj t’i jap detajet tash që janë në diskutime, por do të ketë një përmirësim ligjor të statusit të kategorive të pagjeturve dhe martirëve”, ka thënë Haradinaj./kp/
Promo
Reklamo këtuLufta Prigozhin - Putin
Më shumëNga Rubrika
Ljupço Palevski mbërrin në Maqedoni, masa të veçanta në burgun e Shkupit
Vitin e kaluar në Maqedoninë e Veriut u regjistruan 23.545 shitblerje të patundshmërive, me vlerë 910 milionë euro
Bujar Osmani për atentatin ndaj kryeministrit sllovak: I uroj shërim të shpejtë
QUINT-i dhe BE-ja reaguan për moslejimin e vizitës së tij, Musliu publikon deklaratën e partiarkut serb ku dezinformon rreth Kosovës
Bislimi e cilëson të dështuar takimin për dinarin në Bruksel
Nënsekretarja amerikane në Beograd, thekson rëndësinë e përparimit drejt normalizimit të marrëdhënieve Kosovë – Serbi
PDK i hap rrugë kalimit të marrëveshjeve ndërkombëtare, zotohet se do t’i votojë në Kuvend
Aksident me vdekje në Rrugën e Kombit, arrestohet 27-vjeçari nga Prishtina
Ministria e Jashtme e Shqipërisë thërret ambasadorin serb, kërkohen sqarime për deklaratat e Vulinit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Guardiolan sa nuk e lëshoi zemra kur Heung-Min Son doli përballë Ortegas në shansin e madh të huqur nga koreani
“Më besoni, Mbappe nuk do t’i bashkohet Real Madridit” – iShowSpeed tregon se ku do të shkojë francezi
Rrëfimi i gruas që pretendon se nuk ka ngrënë apo pirë asgjë për më shumë se 16 vjet
Tre kartonë të kuq ndaj ekipit kundërshtar për t'ia siguruar titullin skuadrës së tij - gjyqtari holandez përjashtohet përjetësisht nga futbolli
Sport1: A po ndodh diçka e paimagjinueshme te Bayerni?
Julian Deda - finalisti i dytë i Big Brother VIP Albania 3