Hapet sipari i edicionit të 68-të i Festivalit të Filmit Ndërkombëtar, “Berlinale”

Me shfaqjen e filmit të animuar “Isle of Dogs” të regjisorit amerikan Wes Anderson, sonte hapi siparin e edicionit të 68 të Festivalit të Filmit Ndërkombëtar “Berlinale”.

Deri më 25 shkurt do të shfaqen 400 filma në këtë festival të njohur ndërkombëtar të filmit, i cili është një ndër më të mëdhenj në kontinentin evropian.

Edhe në 2014-të, Anderson gjithashtu hapi këtë festival me filmin e “Grand Budapest Hotel”, i cili më vonë fitoi katër Oscar.

“Island Dog” është një nga 19 filmat që konkurrojnë për çmimet prestigjioze Golden dhe Silver Bear.

Në edicionin e 68 të festivalit, i njohur për filmat me mesazhe të forta politike, do të shfaqen ndër të tjerash edhe filmi iranian “Pig”, si dhe filmi “U-22 August”, ku flet për norvegjezin Anders Breivikin që bëri një masakër në një ishull të shtetit të Norvegjisë.

Ndër filmat e tjerë që do të mund t’i shohin shikuesit janë edhe “Damsel” me Robert Pattinson, “Transit” – filmi gjerman që bën fjalë për ikjen e një të riu nga shteti francez pas pushtimit të nazistëve.

Juria këtë edicion drejtohet nga regjisori gjerman Tom Tykwer, i njohur për filmin e vitit 1998 “Run, Lola, Run”.

Theksojmë se ceremonia e ndarjes së çmimeve do të jepen më 25 shkurt në qytetin e Berlinit. /Telegrafi/