LAJMI I FUNDIT:

Hamasi merr përgjegjësinë për sulmin kur dy persona dolën nga një veturë dhe filluan të qëllojnë, duke vrarë tre njerëz në Jerusalem

Hamasi merr përgjegjësinë për sulmin kur dy persona dolën nga një veturë dhe filluan të qëllojnë, duke vrarë tre njerëz në Jerusalem

Hamasi ka marrë përgjegjësinë për një sulm me të shtëna në Jerusalem që vrau tre persona të enjten, menjëherë pas zgjatjes së armëpushimit midis Izraelit dhe grupit militant në Rripin e Gazës.

Policia izraelite tha se dy personat e armatosur që kryen sulmin ishin nga Jerusalemi lindor i aneksuar dhe u qëlluan për vdekje në vendngjarje, pranë një stacioni autobusi në anën perëndimore të qytetit, ku nuk ka postblloqe që kontrollojnë hyrjen.

“Dy terroristë mbërritën me një makinë, njëri prej tyre i armatosur me një M-16 dhe tjetri me një pistoletë”, dhe hapën zjarr, u tha gazetarëve në vendngjarje shefi i policisë së Jerusalemit, Doron Torgeman.

Dy personat e armatosur u qëlluan për vdekje “pas sulmit nga dy ushtarë të IDF [ushtrisë izraelite] jashtë detyrës dhe një civil tjetër që qëlloi mbi ta”, tha policia në një deklaratë.

Sulmuesit dolën nga një veturë dhe filluan të qëllojnë – detaje dhe pamje të sulmit në Jerusalem nga i cili mbetën tre të vdekur
Lexo po ashtu Sulmuesit dolën nga një veturë dhe filluan të qëllojnë – detaje dhe pamje të sulmit në Jerusalem nga i cili mbetën tre të vdekur

Dhe në një deklaratë të lëshuar disa orë më vonë duke marrë përgjegjësinë, Hamasi e quajti sulmin “një përgjigje të natyrshme ndaj krimeve të paprecedentë të pushtuesit në Rripin e Gazës dhe kundër fëmijëve në Jenin”, në Bregun Perëndimor të pushtuar nga Izraeli.

Ndërkohë, presidenti izraelit Isaac Herzog, në një takim me Sekretarin Amerikan të Shtetit, Antony Blinken, tha se të shtënat ishin një shembull i “luftës së pafund që ne po luftojmë kundër organizatave terroriste, veçanërisht Hamasit”.

Ndërsa Blinken në mënyrë të ngjashme e quajti atë një kujtesë tjetër të kërcënimit “izraelitët përballen çdo ditë”.

Hamasi i identifikoi sulmuesit si vëllezërit Murad Nemr, 38 vjeç dhe Ibrahim Nemr, 30 vjeç, duke thënë se ata ishin anëtarë të krahut të saj të armatosur me bazë në Jerusalemin lindor.

Pamjet që qarkulluan në mediat sociale dhe u transmetuan në televizionin izraelit treguan dy burra që dolën nga një makinë e bardhë dhe hapën zjarr ndaj njerëzve që prisnin një autobus. /Telegrafi/

Në trend Botë

Më shumë
Shtyhet ekzekutimi i vrasësit serik në Idaho, mjekët nuk i gjetën venën edhe pas tetë tentimeve

Shtyhet ekzekutimi i vrasësit serik në Idaho, mjekët nuk i gjetën venën edhe pas tetë tentimeve

Amerika
E treta herë në javë, rusët assesi të mësojnë nga gabimet - goditen me HIMARS nga ukrainasit derisa po kryenin inspektime

E treta herë në javë, rusët assesi të mësojnë nga gabimet - goditen me HIMARS nga ukrainasit derisa po kryenin inspektime

Evropa
Publikohen dokumente sekrete ruse të viteve 2008/2014 - Putin kishte menduar të përdorte armët bërthamore kundër pushtimit të mundshëm kinez

Publikohen dokumente sekrete ruse të viteve 2008/2014 - Putin kishte menduar të përdorte armët bërthamore kundër pushtimit të mundshëm kinez

Evropa
Shqetësim i madh në mesin e zyrtarëve të Bidenit, se Izraeli mund të nisë një sulm tokësor në Liban

Shqetësim i madh në mesin e zyrtarëve të Bidenit, se Izraeli mund të nisë një sulm tokësor në Liban

Azia
Marina gjermane për pak sa nuk rrëzoi një dron amerikan mbi Detin e Kuq – luftanija lansoi dy raketa në drejtim të fluturakes

Marina gjermane për pak sa nuk rrëzoi një dron amerikan mbi Detin e Kuq – luftanija lansoi dy raketa në drejtim të fluturakes

Azia
Mbajti fjalim për mbi dy orë, Vladimir Putin për asnjë moment nuk e mori mundin ta përmend Alexei Navalnyn

Mbajti fjalim për mbi dy orë, Vladimir Putin për asnjë moment nuk e mori mundin ta përmend Alexei Navalnyn

Evropa
Kalo në kategori