LAJMI I FUNDIT:

Guerot: Kemi marrëdhënie të thella, Franca ka dëshmuar gjithmonë mbështetjen e palëkundur për Kosovën

Guerot: Kemi marrëdhënie të thella, Franca ka dëshmuar gjithmonë mbështetjen e palëkundur për Kosovën
Ambasadori i Francës në Kosovë, Olivier Guerot. Foto: Ridvan Slivova

Ambasadori i Francës në Kosovë, Olivier Guerot sheh mundësi të shumta bashkëpunimi me Kosovën si në fushën e arsimit dhe kulturës poashtu edhe në rritjen e shkëmbimeve ekonomike.

Guerot, në një intervistë ekskluzive për Telegrafin ka folur për raportet mes dy vendeve.

Ai thotë se baza e marrëdhënieve të forta është vendosur me angazhimin e vendosur të Francës dhe ushtarëve të saj për të çliruar Kosovën gjatë luftës dhe më pas në kohën e pavarësisë së Kosovës.

“Është e rëndësishme të kujtojmë se Franca ka dëshmuar gjithmonë mbështetjen e saj të palëkundur në momentet vendimtare për Kosovën”.

Megjithatë sipas tij bashkëpunimi është më shumë i orientuar drejt së ardhmes, sesa kujtimit të së kaluarës.

Guerot tutje thotë se Franca merr pjesë në trajnimin e nëpunësve civilë në Kosovë.

“Duam një Kosovë funksionale, e cila një ditë mund të anëtarësohet në BE”.

Ambasadori francez: Situata në veri të Kosovës është shqetësuese dhe mund të shmangej - Macron është i angazhuar vendosmërisht
Lexo po ashtu Ambasadori francez: Situata në veri të Kosovës është shqetësuese dhe mund të shmangej - Macron është i angazhuar vendosmërisht

Ai ka thënë se edhe bashkëpunimi në fushën e kulturës është në nivel të lartë.

“Ne punojmë ngushtë me Ministrinë dhe profesorët e frëngjishtes për të ruajtur cilësinë e mësimit të frëngjishtes. Ne kryejmë gërmime arkeologjike në zonën e Ulpianës, afër Graçanicës, me arkeologë kosovarë të trajnuar në Francë”.

Guerot ka ftuar studentët nga Kosova që të studiojnë në Francë, duke premtuar lehtësimin për mësimin e frëngjishtes.

Por ai nuk lë pa përmendur dëshirën për rritjen e shkëmbimeve ekonomike.

“Shoh me kënaqësi shumë vetura franceze në rrugët e Kosovës dhe produkte franceze nëpër dyqane. Tashmë ka investime të konsiderueshme franceze në Kosovë. Aeroporti i Prishtinës, për shembull, bashkë-menaxhohet nga një kompani turke dhe një kompani franceze. Ky është vetëm një shembull nga shumë të tjerë”.

Ai thotë se ka kompani franceze që janë të gatshme të investojnë në fushën e energjisë së ripërtritshme.

“Ne punojmë për të lehtësuar këto investime sepse lufta kundër ndryshimeve klimatike u takon të gjitha vendeve, Kosovës gjithashtu”, ka deklaruar tutje Guerot./Telegrafi/

Në trend Lajme

Më shumë
Katër votat kundër Kosovës në Këshillin e Evropës dhe një abstenim, gjithçka që duhet të dini

Katër votat kundër Kosovës në Këshillin e Evropës dhe një abstenim, gjithçka që duhet të dini

Muhamet Hajrullahu
Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Nga 3 prilli gjoba të larta për shkelësit e rregullave në trafik - këto janë ndryshimet me Ligjin e ri

Lajme
Detaje të reja nga krimi që la të vdekur dy persona në Prishtinë – policia njofton se është arrestuar një i dyshuar që po trajtohej në QKUK

Detaje të reja nga krimi që la të vdekur dy persona në Prishtinë – policia njofton se është arrestuar një i dyshuar që po trajtohej në QKUK

Drejtësi
Avokati Kërveshi dhe kompania

Avokati Kërveshi dhe kompania "Kërveshi & Partners" shpallen më të suksesshmit në Kosovë për vitin 2023-2024 nga “The Legal500”

Lajme
Gjenden të shtrirë në rrugë pa shenja jete dy persona në Prishtinë – policia nis hetimet

Gjenden të shtrirë në rrugë pa shenja jete dy persona në Prishtinë – policia nis hetimet

Kronika e Zezë
Bajrami, Kurtit: A po të kujtohet që i premtojshe do fabrika të keçapit nëpër oda – mjaftë me manipulime

Bajrami, Kurtit: A po të kujtohet që i premtojshe do fabrika të keçapit nëpër oda – mjaftë me manipulime

Lajme
Kalo në kategori