LAJMI I FUNDIT:

Greva e punëtorëve teknikë në Universitetin e Prishtinës, çka thonë grevistët, pronari i kompanisë dhe kryesindikalisti

Është bërë një javë që kur rreth 250 punëtorë teknikë të Universitetit të Prishtinës dhe të Qendrës së Studentëve kanë filluar grevën, për shkak të pagave të ulëta.

Grevistja, Fatmire Gjatolli, e cila është punëtore në Qendrën e Studentëve, tha për Telegrafin se nuk do të heqin dorë nga greva derisa të realizohen kërkesat e tyre.

Ajo tregoi se kompania iu ka ofruar 20 euro rritje të pagës, por punëtorët nuk e kanë pranuar.


Fatmire Gjatolli, greviste /Foto: Ridvan Slivova/

“Jam punëtore e kompanisë private të pastrimit ‘Beni’, këtu në Qendrën e Studentëve. Këtu jemi 30 punëtorë. Kërkojmë rritjen e pagave pasi s’po mund të ia dalim me këto paga. Dje na ka kontaktuar drejtori i kompanisë dhe na i ka ofruar 20 euro rritje. Por, me 20 euro se di çfarë rritje e pagës është? “, tha ajo.

Ajo shprehu dhe një shqetësim tjetër.

“Qe 30 vjet punoj në Qendrën e Studentëve, e në fund me ardh punëtorja, pasi po i bjen kompania… e me ma nxon vendin mu, kjo nuk është e drejtë. Deri më sot çka kemi pastruar ne konviktet, tash po i bjen punëtorët e tjerë e po pastrojnë. Për momentin tash janë në Konviktin numër 4 duke pastruar”, ka thënë Gjatolli.

Edhe një tjetër greviste tha se si punëtorë janë të shkelur në aspektin e pagave.

“Punoj që 24 vjet, e këta na kanë privatizu edhe pse dëshira jonë nuk ka qenë. Tash s’është në rregull me bo me neve çka të dojnë. Jemi të shkelur. Nëse ju rriten rrogat këtyre të shtetit edhe ne kemi me hangër e me pi… Edhe veç këtë rrogë po e lypim, pasi me 190 euro kurrëkush s’mundet me jetu”, ka thënë ajo.

Ndërsa, drejtori i kompanisë së pastrimit “Beni”, Arben Kuçi për Telegrafin sqaroi se nuk ka punësuar punëtorë që t’i zëvendësojnë grevistët.

Ai tha se iu ka ofruar një rritje prej 20 euro, por që të njëjtën nuk e kanë pranuar.

“E para punës ne nuk kemi zëvendësu asnjë punëtorë. Ata kanë kërkuar rritjen e pagave. Ne kontratën e kemi me Qendrën e Studentëve dhe jemi duke zbatuar kontratën me pagën e paraparë. Në takimin që kam pasur me punëtorë, nga buxheti im ju kam thënë se mund t’ju ofroj shtesë prej 20 euro, për secilin punëtorë. Kjo ishte oferta ime maksimale. Sot pata takim me drejtorin e konvikteve dhe më tha që nuk janë pajtuar me ofertë timen”, tha Kuçi.

Ai po ashtu theksoi se për shkak të ruajtjes së higjienës së studentëve, që mos të përhapet ndonjë epidemi, është angazhuar stafi i konvikteve dhe menaxherët e kompanisë së tij.

“Në konsultim me organet kompetente edhe punëtorët e UP-së e kanë të njëjtën situatë. Punëtorët e UP-së sot kanë filluar t’i pastrojnë banjot, pasi me Ligjin e grevave nuk guxon të ndalohet puna. Minimum duhet të kryhen punët sidomos në higjienë. Në konvikte janë minimumi 5 mijë studentë. Nëse krijohet një epidemi apo një infeksion duhet me pas parasysh kush e merr përgjegjësinë. Ligji parasheh që greva të vazhdojë. Mirëpo, procesin e punës mos e ndaloni për hir të studentëve, pasi mund të krijohet një epidemi. Aty kanë pastru shefi i konvikteve, menaxherët, stafi i konvikteve. Kemi pastru ne që jemi në menaxhim të kompanisë që mos me kriju epidemi”, sqaroi ai.

Ndërkaq, kryetari i Sindikatës së Punëtorëve të Sektorit Privat, Jusuf Azemi u shpreh se sot ka ardhur një ofertë nga Rektorati i UP-së, dhe se janë duke pritur një përgjigje nga grevistët.

“Kemi ofruar një ofertë që e ka bërë Rektorati dhe kam vendos që sot t’i lë të mendojnë. E,  nesër të merret vendimi. Bëhet fjalë për një ofertë të njëanshme nga Rektorati, 50 euro rritje vetëm tre muaj. Edhe pse nuk jemi të kënaqur me këtë rritje, por bëhet fjalë vetëm për tre muaj”, ka thënë Azemi.

Në trend Lajme

Më shumë
Rrëzohet aktakuza kundër Trump, Grenell: Tani është radha e Hashim Thaçit

Rrëzohet aktakuza kundër Trump, Grenell: Tani është radha e Hashim Thaçit

Politikë
Gërmimet arkeologjike në Cernicë të Gjilanit, çojnë drejt zbulimeve të reja historike në Kosovë

Gërmimet arkeologjike në Cernicë të Gjilanit, çojnë drejt zbulimeve të reja historike në Kosovë

Lajme
Kufizimi i orarit të punës për shkak të temperaturave të larta, IKSHPK publikon listen e atyre që duhet punuar vetëm 4 orë

Kufizimi i orarit të punës për shkak të temperaturave të larta, IKSHPK publikon listen e atyre që duhet punuar vetëm 4 orë

Lajme
BE ndan 13 milionë euro për ushtrinë e Shqipërisë

BE ndan 13 milionë euro për ushtrinë e Shqipërisë

Lajme
Tajlanda zgjat programin e heqjes së vizave për 93 vende, ndër to edhe për Kosovën

Tajlanda zgjat programin e heqjes së vizave për 93 vende, ndër to edhe për Kosovën

Lajme
Zbulohet një altar i kohës romake në Drenicë, gërmimet arkeologjike vazhdojnë

Zbulohet një altar i kohës romake në Drenicë, gërmimet arkeologjike vazhdojnë

Lajme
Kalo në kategori