Pasi forcat e Wagnerit u përfshinë zyrtarisht në luftimet në Ukrainë, “pellgu” nga i cili nxirrej potenciali ushtarak u bënë burgje dhe të gjithë ata të burgosur që iu bashkuan këtij formacioni mercenar morën disa privilegje.
Njëra prej tyre ishte se pasi të shërbenin në Wagner, persona të tillë nuk do të ktheheshin në burgje, por do të amnistoheshin automatikisht.
Një vendim i tillë ka sjellë tashmë shqetësim tek banorët e qyteteve të shumta në Rusi, e veçanërisht tek gratë, transmeton Telegrafi.
Domethënë, me vendimin për amnisti të të burgosurve, shumë dhunues të dënuar me disa vite burg, tani do të bëhen njerëz të lirë.
Njëri prej tyre vjen nga Siberia, ku u lirua Vladislav Kanyus, i burgosuri që vrau të dashurën e tij Vera Pehteleva në vitin 2020.
“Vladislav Kanyus kaloi orë të tëra duke torturuar Pehtelevën para se të vdiste. Fqinjët thirrën policinë disa herë për të raportuar britma nga banesa ngjitur, por policia nuk u paraqit. Në gjyq u tregua se në trupin e Pehtelevës u gjetën 111 lëndime”, shkruan The Guardian.
Gjatë verës së vitit 2021, një gjykatë në Siberi e dënoi Kanyusin me 17 vjet burg, që në një farë mënyre ishte një lehtësim për të gjithë familjen e Pehtelevës së vrarë.
Nëntë muaj më vonë, nëna e vajzës së vrarë mori dy fotografi përmes WhatsApp-it ku shfaqej një burrë me uniformë ushtarake.
“Kanyus është i lirë dhe po lufton në Ukrainë”, thuhej në mesazh.
Një informacion i tillë shkaktoi tronditje në familjen Pehteleva.
“Nuk u besoja syve, u përpoqa t’i qetësoja të gjithë. Thashë se nuk ishte ai, ishte Photoshop. Megjithatë, shpejt e kuptuam se ishte vërtet ai”, tha xhaxhai i të vrarës Vladimir Pehtelev.
Kanyus është vetëm një nga shumë të burgosur rusë që janë liruar për shkak të luftës në Ukrainë.
Shumica e të burgosurve iu bashkuan grupit Wagner dhe si pjesë e marrëveshjes, të dënuarve iu tha se do të lejoheshin të ktheheshin në jetën normale pa vuajtur pjesën tjetër të dënimit.
Kushti për këtë është që ata të luftojnë për gjashtë muaj në Ukrainë dhe, natyrisht, të mbijetojnë.
Ndonëse familja ka kërkuar detaje nga policia për lirimin e tij nga burgu, nuk kanë marrë asnjëherë përgjigje nga autoritetet mbi bazën e të cilave u lirua Kanyus.
“Është e paqartë nëse ai është ende duke luftuar në Ukrainë, por ai duket se është ende gjallë pasi poston rregullisht statuse në rrjetin VKontakte. Përshkrimi i profilit të tij thotë: “Nuk ka zgjedhje të duhur, është vetëm zgjedhja që ju bëni dhe pasojat e tij”, shkruan The Guardian.
Rasti i Kanyus nuk është i vetmi që është aktual në Rusi. Dhjetëra raste të ngjashme u janë raportuar aktivisteve për të drejtat e grave në të cilat njerëzit janë të shqetësuar për jetën e familjeve të tyre.
“Ne kemi marrë kaq shumë mesazhe nga njerëz që janë të frikësuar. Ata e dinë se nëse njerëzit që i torturuan, do të kthehen nga lufta dhe vendosin ta bëjnë përsëri, policia nuk do të bëjë asgjë sepse tani ata njerëz shihen si heronj, jo përdhunues apo vrasës”, tha Alena Popova, aktiviste për të drejtat e grave.
Promo
Reklamo këtuLufta Prigozhin - Putin
Më shumëNga Rubrika
A mund t’i arrijë Izraeli synimet pa armët amerikane?
Kali filmohet në çatinë e një shtëpie të zhytur në ujë në Brazil, autoritetet do të përpiqen ta shpëtojnë me helikopter
Aeroplani me 78 pasagjerë del nga pista në Senegal, lëndohen 11 pasagjerë – motori i fluturakes përfshihet nga zjarri
Beteja e rrallë mes tankeve ruse dhe një të ukrainasve – pamjet nga ajri tregojnë si ushtarët e Zelenskyt shkatërrojnë makinerinë e Putinit
Pasojat e luftës në Ukrainë, Rusia në paradë shfaq vetëm një tank – dhe atë nga Lufta e Dytë Botërore
Historia e trishtueshme e njeriut që nuk është pastruar për 60 vjet - mjekja tregon se pse ai e shmangu ujin e sapunin
Irani thotë se do të ndryshojë doktrinën bërthamore dhe të ndërtojë bomba nëse ekzistenca e këtij vendi kërcënohet
"Po na djegin, ju lutem na ndihmoni", rusët nuk kanë zgjidhje për sulmet me dronë të ukrainasve
Arrestim i papritur dhe skandal korrupsioni: A po përçahet rrethi i ngushtë i Putinit?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Polemika për golin e anuluar të Bayernit: Ishte apo jo pozicion jashtë loje?
UEFA theu protokollin gjatë vendimit të VAR-it në përballjen mes Real Madridit dhe Bayern Munichut
Matthijs de Ligt: “Gjyqtari më tha: 'Më falni, bëra një gabim'"
Numërohen mbi 95 për qind e votave, këto janë rezultatet dhe numri i deputetëve të partive në Kuvend
"Lutuni për RS" - çfarë do të thotë mesazhi i Rodrygos nën fanellën e tij
KSHZ publikon rezultatet e para përfundimtare, ky është numri i deputetëve të partive në Kuvend