Grabitje në shtëpinë e Salah në Kajro, hajdutët vodhën gjësende të pazakonta

Grabitës të panjohur hynë në shtëpinë e futbollistit Mohamed Salah në Kajro të Egjiptit dhe mes tjerash, morën marrës (resiverë) satelitorë – njoftuan mediat lokale.

Autoritetet egjiptiane janë duke e hetuar incidentin e ndodhur në fundjavë, ndërsa mësohet se ngjarja është parë nga një i afërm (nipi i futbollistit), i cili po kalonte pranë shtëpisë dhe pa se dritaret ishin të hapura.

Një kontroll i shpejtë zbuloi se shtëpia ishte në rrëmujë, gjërat ishin të shpërndara. Aktualisht është e paqartë saktësisht se çfarë është vjedhur, por mediat egjiptiane kanë përshkruar se janë marrë gjësende ‘elektrike’ dhe ‘pajisje’.

View this post on Instagram

A post shared by Mohamed Salah (@mosalah)

Siç transmeton The Sun, policia është duke hetuar se çfarë ka ndodhur saktësisht dhe se ka intervistuar rojet e sigurisë dhe ka shqyrtuar kamerat e vëzhgimit (CCTV) në lidhje me këtë.

Lexo po ashtu Salah ka nxitur reagime të botës islame pas fotografisë për Krishtlindje, vjen deklarata e organit këshillues islamik të Egjiptit

“Kamera të vëzhgimit përreth po shkarkohen dhe personeli i sigurisë i ngarkuar për sigurimin e vendit po merret në pyetje”, ka thënë një burim për Al-Ahram.

Shërbimet e sigurisë janë duke intensifikuar përpjekjet për zbardhjen e misterit të incidentit dhe janë marrë masat e nevojshme ligjore. /Telegrafi/