LAJMI I FUNDIT:

Gorilla e cila gabimisht besohej se ishte mashkull, sjell në jetë foshnjën në kopshtin zoologjik Columbus

Gorilla e cila gabimisht besohej se ishte mashkull, sjell në jetë foshnjën në kopshtin zoologjik Columbus

Një gorillë për të cilën kujdestarët e kopshtit zoologjik kishin menduar se është mashkull, u zbulua se ishte femër vetëm ne momentin kur ajo u pa duke mbajtur në krah foshnjën e saj.

Kujdestarët e kopshtit zoologjik Columbus Zoo në Ohio nëpërmjet një deklarate thanë se Sully, gorilla 8 vjeçare, jeton në kopsht bashke me nenen e saj dhe me disa gorilla të tjera që nga viti 2019, dhe që nga ajo kohë, kujdestarët kishin menduar se ajo ishte një mashkull.

“Është e vështirë të dallosh gjininë e gorillave në moshë më të re. Deri rreth moshës 8 vjeç, meshkujt dhe femrat janë afërsisht të njëjtë dhe nuk kanë organe seksuale të spikatura”, bëri të ditur kopshti zoologjik në deklaratën e saj pas lindjes së të enjtes, raporton UPI, transmeton Telegrafi.


“Ndërsa gorillat plaken, ato bëhen seksualisht dimorfike, që do të thotë se meshkujt dhe femrat duken shumë të ndryshëm. Megjithatë, meshkujt nuk zhvillojnë madhësinë e tyre karakteristike të madhe, shpinat e argjendta dhe gungat e mëdha të kokës – të quajtura ‘kreshta sagitale’ – deri në moshën 12 vjeç ose më vonë”, vazhdon deklarata.

Kujdestarët e kopshtit e përshkruan Sully-n si një “kafshë e re dhe e shëndetshme”, e cila nuk kishte nevojë për ndonjë procedurë mjekësore e cila do të çonte në zbulimin e gjinisë së saj. Periudha e shtatzënisë për një gorillë është rreth 8 muaj e gjysmë, që do të thotë se ajo mbeti shtatzënë vonë në vjeshtë.

Gorillat rrallë tregojnë shenja të jashtme të shtatzënisë, sepse të porsalindurit janë më të vegjël se foshnjat e njeriut dhe gorillat natyrisht kanë bark të madh.

“Grupi i gorillave e mbështetë me të vërtetë Sully-n dhe foshnjën e saj, dhe ata do vazhdojnë të mbesin si një grup shoqëror. Foshnja duket të jetë e shëndetshme dhe nëna Sully po kujdeset mirë për të”, shtuan ata.

Kujdestarët e kopshtit nuk i janë afruar ende foshnjës, gjithashtu një vajzë, për të lënë kohë për t’u lidhur me nënën e saj. Përfundimisht, veterinerët do të afrohen për të bërë një test shëndetësor. Kopshti zoologjik do të bëjë gjithashtu një test të ADN-së për të përcaktuar babain e foshnjës.

Sully dhe foshnja jetojnë me një grup i cili brenda tij ka tre meshkuj të udhëhequr nga gorilla mashkull 39 vjeçar, Mac. /Telegrafi/

Në trend Fun

Më shumë
Gati shpërtheu një përleshje masive: Një adoleshent vendosi “të marrë masa” kundër çiftit që po putheshin në një plazh të SHBA-së

Gati shpërtheu një përleshje masive: Një adoleshent vendosi “të marrë masa” kundër çiftit që po putheshin në një plazh të SHBA-së

Fun
Një grua shtatzënë

Një grua shtatzënë "kapi" burrin me dashnoren e tij në plazh - befason reagimi i tyre

Interesante
Kur tentoni të bëni një foto të bukur dhe një i panjohur shfaqet nga askund

Kur tentoni të bëni një foto të bukur dhe një i panjohur shfaqet nga askund

Interesante
Nusja mori dhuratë në ditën e dasmës, por nuk ishte për të: E hutuar lexoi dedikimin dhe filloi të qajë

Nusja mori dhuratë në ditën e dasmës, por nuk ishte për të: E hutuar lexoi dedikimin dhe filloi të qajë

Virale
Gruaja ngjyros flokët me akullore, pamjet bëhen virale në rrjetet sociale

Gruaja ngjyros flokët me akullore, pamjet bëhen virale në rrjetet sociale

Virale
Një grua në Ugandë lindi binjakë në moshën 70-vjeçare pasi mbeti shtatzënë përmes metodës IVF

Një grua në Ugandë lindi binjakë në moshën 70-vjeçare pasi mbeti shtatzënë përmes metodës IVF

Interesante
Kalo në kategori