Rreth një vit më parë, Google bëri të ditur se Assistant do të ofronte mundësinë për të ndryshuar fjalëkalimet e komprometuara dhe kompania tani po e përmbush këtë premtim.

Sipas raportimeve të mediave, Google Assistant shfaq njoftime për përdoruesit e Chrome për këtë opsion, dhe kjo përfshin përdoruesit në platformën Android.

Kur hyni në ueb-faqe me një fjalëkalim të komprometuar, do të merrni një paralajmërim të njohur “ndryshoni fjalëkalimin tuaj”, ndërsa në disa faqe do të keni mundësinë që “Asistenti” të bëjë automatikisht atë ndryshim.

Përdoruesi mund të marrë kontrollin në çdo kohë, por funksioni mund të jetë i dobishëm nëse nuk doni të humbni kohë duke përcaktuar një opsion më të sigurt për t’u identifikuar në një sajt të caktuar.

Opsioni Assistant përdor inteligjencën artificiale (AI) të versionit të internetit të Google të Duplex për të naviguar faqet dhe për të aplikuar ndryshimet e fjalëkalimit. AI di se si të klikojë, lëvizë dhe plotësojë formularë që zakonisht kërkojnë ndërhyrje njerëzore.

Funksioni nuk funksionon në çdo faqe për momentin, pasi grupi i fjalëkalimeve të Google Assistant ka qenë i disponueshëm për një betejë relativisht të vogël të përdoruesve që kur u prezantua majin e kaluar. /Telegrafi/