Që nga viti 2019 në Kosovë është i lejuar gjykimi në mungesë për rastet e krimeve të luftës. Mirëpo, përkundër që ka rreth tri vjet që një proces i tillë është i mundur, në Kosovë nuk ka nisur akoma ndonjë gjykim i tillë. Masakra e fshatit Rezallë është një prej krimeve serbe, kryerësit e të cilës besohet se lehtë do të dënoheshin
Një dokument i siguruar nga RTV Dukagjini është vendim i Gjykatës së Qarkut të Serbisë, i cili sipas Shaban Deliut vërteton se në fshatin Rezallë forcat serbe kryen krime lufte.
Ai mban edhe vulën e Gjykatës, si dhe nënshkrimin e gjyqtarit.
“Në këtë dokument të cilin e posedojmë dhe e kam në dorë, është një dëshmi nga masakra e Rezallës ku faktikisht e pranojnë këta që në Rezallë kanë ndodhë vrasje, këta thojnë 35 persona, por këtu në fakt janë ekzekutuar 44 vetë. Dokumenti është i lëshuar nga Gjyakata e atëhershme e Serbisë, e cila ka qenë e instaluar në Mitrovicë dhe është nënshkrimi i gjyqtarit Nenad Rifunoviç,” ka thënë një banor i Rezallës, Shaban Deliu.
Një prej përgjegjësve për këto krime, Deliu thotë se është edhe një prej gjeneralëve të ushtrisë së Serbisë, Lubisha Dikoviq.
Ndaj tij, banorët e Rezallës kanë ngritur para disa viteve edhe një kallëzim penal.
Mirëpo, përkundër gjithë këtyre veprimeve ndaj Dikoviq dhe të tjerëve, akoma nuk ka nisur ndonjë proces gjyqësor.
Në Kosovë që nga viti 2019 lejohen gjykimet në mungesë.
Megjithatë, deri tash nuk ka nisur asnjë proces i tillë.
Ligjit në vitin 2021 i janë bërë disa plotësim-ndryshime të cilat i lehtësojnë gjykimet në mungesë.
“Tashmë nuk ka asnjë pengesë ligjore për të bërë hetime dhe për të bërë gjykime në mungesë për të gjithë ata kriminelë që kanë bërë krime të luftës në Kosovë. Autoritetet e Kosovës, sistemi ynë i drejtësisë duhet që me prioritet t’i trajtoj këto raste, siç e thashë në fillim jo shumë për të shpaguar humbjet e mëdha në njerëz të familjarëve tanë, por për të dokumentuar dhe formalizuar përgjegjësinë e autoriteteve serbe”, ka thënë Adnan Rrustemi, Deputet i VV-së.
E kundër këtyre gjykimeve është Fondi për të Drejtën Humanitare.
Bekim Blakaj që drejton degën e Fondit në Kosovë thotë proceset e tilla është vështirë të mbahen në mënyrë të duhur.
“Në rend të parë sepse bie ndesh me konventat ndërkombëtare për të drejtat e njeriut, mirëpo çështja është edhe më e thëllë se kaq sepse ne mendojmë që ata që kanë kryer krime lufte duhet të gjykohen me prezencën e tyre dhe nëse iu dëshmohet fajësia duhet ta mbajnë burgimin, jo të dënohen dhe prapë të jenë të lirë”, Bekim Blakaj, Fondi për të Drejtën Humanitare.
Televizioni ka disa javë që ka dërguar kërkesë për të realizuar një intervistë me prokuroren Drita Hajdari e cila është koordinatore e prokurorëve që hetojnë krimet e luftës.
Mirëpo, Prokuroria e Shtetit nuk është përgjigjur.
Shaban Deliu për 21 vite e kishte babanë e zhdukur nga masakra e kryer në Rezallë.
“Qe 21 vjet nuk ka qenë pak me jetu në ankth, në brengë se ku e qysh. Lajmi ka qenë i gëzuar, por në fakt edhe i mërzitshëm sepse njëfar ndjesie sikur me u vra atë ditë. Pritja e tyre në Merdare ka qenë kogja e dhimbshme, kogja e mërzitshme, kogja e rëndë. Por në fakt, tash, sivjet në përvjetorin e parë pasi u gjetë baba, ne jemi ndjerë më mirë, ma lehtë,” shtoi Deliu.
Këtë vit janë bërë 23 vite nga masakra në Rezallë të Skënderajt, në të cilin, gjatë luftës janë ekzekutuar 98 shqiptarë.
Lufta Prigozhin - Putin
Më shumë"Vuçiq e mendonte Slloveninë Eldorado serbe, kurse diplomatët e saj vegla të tij", ish-diplomatë serbë flasin për skandalin e fundit të Vuçiqit
Në sy të mbesës 8-vjeçare, çifti i të moshuarve nga Kosova arrestohen sapo zbresin në Gjermani
“Veç me ia ba një vendbanim në gjykatë”, ish-zyrtari i Komunës së Prishtinës del para gjykatës me 24 aktakuza për korrupsion
Çitaku: Rezultati i zgjedhjeve të përgjithshme do të jetë befasues
Rashiq për stërvitjet ushtarake serbe: Duan vetëm t’i tregojnë muskujt
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
E jotja është mu koncentru, e karriges Gaming me t’rahatu
Karrige që ta relakson mendjen dhe trupin
Knaqja zemrën vetit: Bli fustanin me zbritje në Melodia Px
Autobusi bon me t’ik, a kjo bluzë me zbritje hiç kërqysh!
Sako nga MelodiaPx që t’shton vetëbesim!
Më të lexuarat
Skandali i ri diplomatik i Vuçiqit në New York – ofendoi sllovenët, vjen reagimi i ashpër i Lubjanës zyrtare
KSHZ publikon rezultatet e para përfundimtare, këto janë rezultatet
Bujar Osmani shpall fitore: Dallimi është mbi 40 mijë vota ndaj Taravarit
Del rezultati përfundimtar në Gostivar, këto janë rezultatet
Arrestohen 17 persona në Serbi, falsifikonin dokumente të pronave të serbëve për shqiptarët nga Kosova
Zbulohen dy kërkesat që Laporta ia bëri Xavit në një takim urgjent – njëra ka të bëjë me Guardiolën