Gjykata hedh poshtë padinë e Ramush Haradinajt ndaj Gazmend Muhaxherit

Gjykata Themelore në Pejë pas shqyrtimit të lëndës, bazuar në prova dhe në ligj konkretisht, në Ligjin e Procedurës Kontestimore dhe Ligjin Civil kundër Shpifjes dhe Fyerjes, ka shpallë aktgjykim me të cilin ka refuzuar si të pabazuar kërkesëpadinë e paditësit Ramush Haradinaj – kryeministër i Republikës së Kosovës, me të cilën ka kërkuar që të detyrohet i padituri Gazmend Muhaxheri – kryetar i Komunës së Pejës, që në emër të kompensimit të dëmit jo material nga deklarata e shpifjes në të përditshmen “Der Standard”, paditësit t’i paguaj shumën prej 250.000 €.

Kështu bëhet e ditur në njoftimin e Gjykatës Themelore të Pejës.

Lexo po ashtu Nis përballja gjyqësore Haradinaj–Muhaxheri

Lexo po ashtu Muhaxheri mohon deklaratat kundër Haradinajt (Video)

Kundër këtij Aktgjykimi palët kanë të drejtë ankese, në afat prej 15 ditësh nga dita e marrjes së të njëjtit, Gjykatës së Apelit në Prishtinë.

Ndryshe, padia ndaj kryetarit të Pejës ishte bërë pas disa deklaratave të dhëna në mediat ndërkombëtare, ku kishte akuzuar Haradinajn se  “ende po bën para duke kontrolluar biznesin e naftës dhe lojërave të fatit” në Pejë. /Telegrafi/